رانيا يوسف تنفي ارتباطها بالفيشاوي: مش ناوية اتجوز تاني
علقت الفنانة رانيا يوسف، على الجدل الذي أثير مؤخرا بسبب الصورة التي جمعتها بالفنان أحمد الفيشاوي، وظهروا بها وهم يحتفلون بالكريسماس، موضحة أن هذه الصورة كانت أثناء التحضير لفيلم سيجمعهما معا.
أضافت “يوسف” خلال حوارها مع الإعلامية ياسمين عز، في برنامج” كلام الناس” المذاع عبر شاشة “mbc مصر”، أن الزواج أمر سهل ولكن وجود الرجل المناسب هو الأمر الصعب، لافتة: “الحقيقة أنا مش ناوية أتجوز، أنا وأحمد بنعمل فيلم، ونزلنا الصور وإحنا بنقرأ السيناريو مع المخرج، الفيلم هنصوره في نص يناير، وكنا في أوتيل وعامل احتفالات، فقولنا يلا نتصور”.
نرشح لك: صلح رانيا يوسف وغادة عبد الرازق
أشارت: “الجواز سهل المشكلة مش في الجواز المشكلة أنتي هتتحوزي مين وأنهى عقلية، وحد يفهم ظروف حياتك وتفهي ظروف حياته، إنك تلاقي اتنين يفهموا بعض ويحترموا بعض دي صعبة أوي.. أنا متجوزش راجل بعقلية سي السيد أبدا، وأهم حاجة أحس إن هو مش بيتعامل مع رانيا الفنانة.. لأن كتير بيتخدعوا بالمظاهر وعاوزيني طول الوقت بالفستان والمكياج.. أنا ست عادية جدا في البيت”.
أما سبب فشل زيجاتها السابقة قالت “يوسف”: “أنا ست مؤدبة ومتربية وصوتي واطي.. في جوازاتي السابقة الطرف الآخر كان بيفتكر إن ده ضعف مني.. بعدي مرة واتنين وتلاتة واتكلم بهدوء، لحد ما يتفاجئ بلطشة قلم على وشه إن هنتطلق دلوقت حالا”.
في سياق آخر، أعلنت الفنانة رانيا يوسف، عن كواليس تصالحها مع الفنانة غادة عبد الرازق، والذي جاء بعد سنوات من الخلاف، موضحة أنهما كانتا صغيرتنا وأصبحا أكثر نضجا الآن.
قالت “يوسف” خلال لقائها مع الإعلامي إيلي نخلة ببرنامج “The Insider بالعربي“، إنها عادت من جديد صديقة للفنانة غادة عبد الرازق، بعد أن حدث بينهما بعض المشاكل، لافتة إلى أنها لم تعلن عن ذلك بعد، كما أنها تحترم غادة كفنانة موهوبة وإنسانة.
أردفت: “عارف أما يعدي عليك مرحلة وتكتشف الناس اللي حواليك حتى لو فيه ناس بينكوا مشاكل في الشغل لكن في المستوى الإنساني عندكوا أصل وبتقدروا بعض، إحنا الاتنين راجعنا نفسنا في الفعل ورد الفعل واكتشفنا إننا كنا صغيرين في التفكير”.
أما عن حديث الجمهور عن طريقة لبسها فقالت: “أنا مستغربة لأني عندي سي في محترم جدا في شغلي، ليه بقى يسيبوا شغلي ويمسكوا في رانيا لبست هي رانيا الوحيدة اللي لبست ما كل العالم بيلبس، ودلوقتي الشو ده بقى أساسي في شغلنا”.