محمد حماقي: نقلت سكني علشان مراتي تكون قريبة من أهلها
كشف الفنان محمد حماقي عن سبب تغيير محل سكنه من مدينة نصر إلى 6 أكتوبر، موضحا أنه فعل ذلك من أجل أن تكون زوجته قريبة من أهلها وأصدقائها.
قال “حماقي” خلال برنامج “صاحبة السعادة” المذاع على شاشة dmc، وتقدمه الفنانة إسعاد يونس: “النقل من مدينة نصر لـ6 أكتوبر مكنتش أتخيل إني هعملها أبدا، لأن أصل سكان مدينة نصر جم من مصر الجديدة، أنا أبويا وأمي كانوا من مصر الجديدة لما نقلوا راحوا المدينة الجديدة اللي هي مدينة نصر، فطبيعي نقلتي أنا تبقى للتجمع”.
تابع: “في مثل لذيذ بيقول (سألوا جحا بلدك إيه يا جحا؟ قالهم بلدي اللي فيها مراتي).. وأنا مراتي أهلها من سكان الزمالك، وأخواتها البنات لما اتجوزوا راحوا أكتوبر ومامتها نقلت أكتوبر، فأنا بقيت ما بين إني أعزل نهلة عن مجتمعها كله مش بس أخواتها ومامتها، ده صحابها كمان، فأنا لو خدتها التجمع أبقى عزلتها تماما”.
نرشح لك: عمر كمال: لحنت أغاني لـ هاني شاكر وحمادة هلال
استكمل: “وأنا بتحرك وبسافر كتير وهيبقى في أوقات كتير أنا مش موجود، حسيت أن هيبقى فيه ظلم، الأسهل إني انقل أكتوبر وأنا حركتي هتبقى أسهل، فده ليها ولراحتي، لأن فكرة أنها تبقى قاعدة زهقانة أو قاعدة لوحدها ده هيبقى مؤرق يعني”.