صفحة "نسوية" تشن هجومًا على هالة صدقي بسبب سعد لمجرد
شنت صفحة (speakup.00) النسوية هجومًا على الفنانة هالة صدقي، بسبب مقطع فيديو نشرته عبر حسابها الرسمي على إنستجرام، ظهر فيها ترحيبها بالفنان سعد لمجرد، أثناء إحيائه حفلًا في مدينة شرم الشيخ.
القصة بدأت بنشر الفنانة هالة صدقي الفيديو، والذي علقت عليه كتابةً قائلة: “أقوى حفلة وأجمل دعاية لشرم الشيخ من أقوى وأحب المطربيين لقلبي، الرائع سعد لمجرد المطرب العالمي نورت مصر وكلنا فى انتظار المزيد من الحفلات فى وطنك الثاني لأن لك جمهور كبير منتظرك ومنتظر المزيد من الحفلات، مزيد من النجاح لأبناء المغرب”.
مما دفع أدمن صفحة (speakup) للرد عليها بسخرية قائلًا: “أجمل دعاية لشرم الشيخ وجمهور كبير؟ مصدقه اللي كاتباه بجد، شيء مؤسف حقيقي أنك تكوني جزء من محاولة التطبيع مع المتهمين بقضايا إغتصاب وتبقي مهتمة تدافعي عن وجوده بالشكل الغير منطقي ده. قضايا الإغتصاب مش قضايا خاصة ولا حاجة شخصية عشان نقول ملناش دعوة!”.
فأجابت “صدقي” قائلة: “مين عينك تحاكم البشر وتقرر حاجه لا تعرفها ولا شوفتها احنا يا بشر مالنا ومال الناس ما تخليك في حالك وحال اللي يهموك وسيب ربنا هو اللي يحاسب ، ويعاقب ليه بتتدخلوا”.
فهاجمها الأدمن قائلًا: “ومين عينك انتي عشان تقري ببراءة شخص المحاكم ادانته؟ حبيبك عنده قضية إغتصاب مفتوحة في فرنسا حالياً والحكم فيها ممكن يوصل ل ٢٠ سنة”، وتابع: “ورفض تصدير المتهمين بقضايا اعتداء واغتصـاب كفنانين والاحتفاء بيهم على المسارح ده مش محاكمة للبشر.. ده اقل حاجه تتعمل احتراماً للضحايا ولنفسنا قبل أي حاجة”.
فردت الفنانة قائلة: “أنا لا برأت ولا أدانت وزي ما انت شايف انه مش مرحب بيه وانا طبعا احترم رأيك انا كمان من حقي اني ارحب بيه والمفروض تحترم رأي انا رحبت بالفنان اللي جي يدعم بلدي , وبدل ما اهاجم او اعلق مشانق للبشر اروح اشتغل وما اضيعش وقتي في نقاشات مش هتجيب اي نتيجه ولكن في النهايه انا بحترم رأي كل واحد وطبعا رأي اي انسان خاص بيه”.
من جانبه رد أدمن الصفحة النسوية الشهيرة: “لا انتي برأتي وطبعّتي وبتهاجمي الناس اللي بتقولك انه عليه اربع تهم إغتصـاب وشايفه دي أمور شخصية، والتطبيع مع المتهمين بالإغتصـاب مش حاجه عاديه ده تصرف بيمكنهم زيادة وما بيعتبرش حرية رأي. وكلامك عن السماحة وعدم تعليق مشانق للبشر يقلب البطن عشان تقريباً مش واخده بالك ان فيه ضحايا وناس متضرره من اللي بتدافعي عنه ولو حد يستاهل التعاطف هيكون هما!”
وفي تعليق ساخر آخر، كتب الأدمن: “انت اللي عليك ٤ تهم إغتصـاب في ٣ بلاد مختلفة؟ تعالى يا حبيبي”.
وقد انقسم الجمهور إلى مؤيد ومعارض للفنانة على ترحيبها بالفنان المغربي، وقد دعم البعض هجوم الصفحة عليها أيضًا.
View this post on Instagram
يذكر أن الصفحة المذكورة، كانت قد شنت حملة ضد حفل الفنان سعد لمجرد في مصر، وأكد القائمين عليها، ومتابعيها على عدم قبولهم بإقامة حفل له على خلفية اتهامه في قضايا اغتصاب في عدة دول.