حماقي يتحدث عن تشجيع والده

تحدث الفنان محمد حماقي عن علاقته بوالده الراحل، مشيرا إلى تشجيعه له منذ الصغر لتكوين شخصيته المستقلة.

قال “حماقي” خلال لقائه ببرنامج “صاحبة السعادة” مع الإعلامية إسعاد يونس، على شاشة “dmc”، إن والده لم يرفض له شيئا وتركه يختار حياته بنفسه، مردفا: “هو عارف إني موهوب من وأنا صغير، بس اتفاجىء وأنا بقوله هكتب تربية موسيقية في التنسيق لأنه مكنش متخيل إنها كبيرة في دماغي كده”.

نرشح لك: محمد حماقي: نقلت سكني علشان مراتي تكون قريبة من أهلها

أشار إلى أن والده اقترح عليه أن يدخل كلية أخرى وينمي موهبته بجانبها ولكنه رفض ذلك.

أوضح: “كان طول الوقت مشجع ومش معارض وأما نزل الألبوم ونجحت قالي أن صاحبه مكنش بيكلمه من 15 سنة كلمه وقاله فيه مغني جديد اسمه محمد حماقي يقربلك، ويومها أبويا رجع مبسوط وقالي أنا مبسوط بنجاحك”.

في سياق آخر تحدث الفنان محمد حماقي عن تجربة انفصاله عن زوجته ثم عودته لها بعد عامين، موضحا أنهما وقتها شعرا بأنهما لم يبذلا المجهود الكافي في محاولات العودة مرة أخرى.

أضاف حماقي خلال حواره مع الإعلامية إسعاد يونس في سهرة خاصة على قناة dmc، أنه يدرك جيدا مشاعره تجاه زوجته حتى بعد الانفصال، قائلا: “بعد الانفصال إحنا الاتنين لقينا إننا معملناش كل المجهود اللي المفروض يتعمل، فقولنا ملوش معنى خالص الانفصال، ودليل كبير أن يفوت سنتين من الانفصال، وده مش وقت قليل ومكناش لسه خلفنا يعني سهلة أوي إننا منرجعش، ومفيش حاجة ترجعنا أصلا”.

تابع: “بس رجعنا في النهاية، وأنا الحقيقة بحب نهلة جدا من كل النواحي، بحبها بعقلي ومقتنع جدا وبمشاعري، الحمد لله أن إحنا رجعنا”

وبسؤاله عن سبب تغيير محل إقامته من مدينة نصر إلى 6 أكتوبر، أوضح أنه فعل ذلك لكي تكون زوجته قريبة من أسرتها وأصدقائها، قائلا: “الانتقال من مدينة نصر لـ 6 أكتوبر مكنتش أتخيل إني هعمله أبدا، لأن أصل سكان مدينة نصر جم من مصر الجديدة، أنا أبويا وأمي كانوا من مصر الجديدة لما نقلوا راحوا المدينة الجديدة اللي هي مدينة نصر، فطبيعي نقلتي أنا تبقى للتجمع”.

يواصل: “في مثل لذيذ بيقول (سألوا جحا بلدك إيه يا جحا؟ قالهم بلدي اللي فيها مراتي).. وأنا مراتي أهلها من سكان الزمالك، وأخواتها البنات لما اتجوزوا راحوا أكتوبر ومامتها نقلت أكتوبر، فأنا بقيت ما بين إني أعزل نهلة عن مجتمعها كله مش بس أخواتها ومامتها، ده صحابها كمان، فأنا لو خدتها التجمع أبقى عزلتها تماما”.

يضيف حماقي: “وأنا بتحرك وبسافر كتير وهيبقى في أوقات كتير أنا مش موجود، حسيت أن هيبقى فيه ظلم، الأسهل إني انقل أكتوبر وأنا حركتي هتبقى أسهل، فده ليها ولراحتي، لأن فكرة أنها تبقى قاعدة زهقانة أو قاعدة لوحدها ده هيبقى مؤرق يعني”.