أحمد العوضي ينتقد نشر الفيديو الفاضح أعلى الكوبري
انتقد الفنان أحمد العوضي نشر مقطع فيديو التقطه شخص بهاتفه لشاب وفتاة يمارسان فعلا فاضحا أعلى أحد الكباري بالقاهرة، في الطريق العام، وذلك على مواقع التواصل الاجتماعي.
نشر “العوضي” عبر صفحته الرسمية على موقع التواصل الاجتماعي فيس بوك، وكتب: “الستر من صفات الله ملك الملوك هو الستار ولولا ستر الله علينا ما طابت الحياة
كلنا بنطلب من ربنا الستر
نرشح لك: النيابة تخلي سبيل مرتكبي الفعل الفاضح أعلى أحد الكباري بغرامة ألف جنيها
لما بتدعي لحد بتقوله ربنا يسترها علينا وعليك.. موضوع الولد والبنت على الكوبري مش موضوع كوميدي يجوز إننا نهزر فيه.. ده فضح
حتى لو هما اللي فضحوا نفسهم واجبنا إحنا إننا نستر ونعدي الموضوع لكن التركيز عليه ونشر الصور هو فضح ودي مش أخلاقنا
ياريت نتروى ونفهم إننا كلنا ربنا ساترنا فلو ربنا شال ستره على بني آدم أفهم أن في لحظة ممكن الستر يتشال من عليك
ربنا يسترها علينا وعليكم وعلي كل أخواتنا”.
وكانت الأجهزة الأمنية بوزارة الداخلية، قد ألقت القبض على الشاب والفتاة مرتكبي الفعل الفاضح بالطريق العام أعلى أحد الكباري بالقاهرة.