كيفية التعامل مع الاضطرابات النفسية للطفل بطريقة صحيحة
كشفت دكتور إيمان جابر، مدير إدارة طب نفسي الأطفال والمراهقين بالأمانة العامة للصحة النفسية وعلاج الإدمان، كيفية التعامل مع الاضطرابات النفسية للطفل في المنزل.
أوضحت “جابر” خلال مقطع فيديو على الصفحة الرسمية لوزارة الصحة والسكان على موقع التواصل الاجتماعي فيس بوك: “أول حاجة التقبل، مشكلة كبيرة بتقابلنا، إن أنا أبقى شايفة المشكلة بس مش عايزة اصدق إن فيه مشكلة وعمالة أأخر في التدخل، مش قادرة أقبل إن ابني عنده مشكلة، وده بيعطلنا كتير”.
نرشح لك: رئيس لجنة مكافحة كورونا: الفيروس لن يختفي
تابعت: “لو أنا تقبلت مشكلة ابني هقدر اساعده وكمان هدعمه، يعني لو أنا ابني عنده فرط حركة ونقص انتباه وأنا متقبلة أن هو النشاط بتاعه أكتر من اللي حواليه، أو قدرته على التركيز مش كبيرة فأنا متقبلة الأخطاء اللي بتحصل نتيجة أنه مش بيركز فترات طويلة”.
استكملت: “أولا ده هيخلي علاقتنا كويسة وهيساعدنا في العلاج، ونبدأ بدري في العلاج وألجأ لمتخصص، إحنا عادة مشكلتنا إن الناس بتيجي متأخر وبنبدأ متأخر، وزي أي مرض لما بنتدخل بدري الاستجابة والنتائج بتبقى أفضل”.