انتهاء الأزمة بين الزمالك وأحمد فتوح
تصالح المستشار مرتضى منصور، رئيس نادي الزمالك، وأحمد فتوح لاعب نادي الزمالك، على خلفية الأزمة التي حدثت بينهما مؤخرا، والتي صرح فيها رئيس النادي أن أحمد فتوح وعبد الله جمعة هربوا فور علمهم بوجود لجنة لتحليل المنشطات، وأن “فتوح” يدعي الإصابة، وتغيب عن التمرين.
قال “منصور” خلال فيديو نشره عبر قناته على “يوتيوب“: “أحمد اعتذر لي ولجماهير نادي الزمالك واتفقنا نفتح صفحة جديدة، وموضوع التحاليل ده كلام تاني لأن اللي بلغني إداري وأنا وقفت الإداري ده، لأن هما قالوا له في كورونا، أيا كان أحمد في سن حفيدي وأنا قلت له أنت أحسن باك شمال في مصر، واللي أنا عايز أأكده أن أحمد لما يتجاوز في حقي أو حق النادي، اللي بيقولك خناقة ده لم يحدث”.
أضاف: “الإداري اللي بلغني، وأنا متصور أنه نوع من التمرد، لما قولت له حافظ يا ابني على صحتك ولياقتك وأنا زعلان منك عشان جبت جون في نفسك.. أحمد من بكرة إن شاء الله هيبقى في التمرين.. أحمد فتوح كلمني في التليفون وقالي أنا بعتذر لحضرتك وبعتذر للنادي على أي حاجة تطلع مني، وأنا اعتبرتها نوع من التمرد”.