أرواح وطلاسم.. أسامة منير يحذر من لعبة تشارلي
حذر الإعلامي أسامة منير، الآباء والأمهات من لعبة جديدة منتشرة على تطبيق تيك توك، تتسبب في أذى الأبناء.
نشر “منير” عبر حسابه الشخصي على موقع “إنستجرام” مقطع فيديو وجه من خلاله الرسالة للآباء والأمهات، حيث قال: “لكل أب وكل أم.. اطمنوا على ولادكم وخشوا بصوا عليهم وهما بيذاكروا وخبطوا عليهم في الحمام واسألوهم بتعملوا ايه لأن في لعبة اسمها تشارلي اللعبة دي نازلة على التيك توك بيعلموا الولاد ازاي يلعبوها”.
تابع: “اللعبة عبارة عن قلمين وورقة وبيحضروا أرواح وبيبقى في حد من المجموعة له سلطة على الباقي وبيهددوهم وبالتالي الأطفال بيأذوا نفسهم”.
أضاف: “حوادث كتير.. في ولد ابن اخت حد بيشتغل معانا هنا انتحر واتوفى أول امبارح، ولد في 5 ابتدائي، اللعبة فيها حروف بتتكتب وطلاسم بتتقري وفي بلاوي سودا وزرقا بتتعمل.. خلوا بالكم من ولادكم”.
View this post on Instagram
في سياق آخر، انتقد الإعلامي أسامة منير، شروع بعض الرجال في ضرب زوجاتهم خاصة أمام الأبناء.
قال “منير” خلال الفيديو الذي نشره عبر حسابه الشخصي على موقع “إنستجرام” الآتي: “لو بيتهيقلك إنك لما تضرب مراتك إنت كده راجل؟.. لأ مش راجل ولا عمرك كنت راجل، الراجل ميمدش إيده، الراجل عنده دماغ يفكر بيها، الراجل يحتوي، يحتضن.. الست كل اللي بتحلم بيه إنها تشعر بالأمان”.
تابع: “عيالك اللي بيشوفوا أمهم بتضرب وبتتهان كل يوم هيطلعوا عاملين إزاي؟!”.
أضاف: “اللي بيحرق دمي أكتر إن الست ترجع لأهلها تقولهم إلحقوني جوزي بيضربني يقولولها وماله استحملي”.