"الممثل بيجي على نفسه عشان يبسطكوا".. رسالة لقاء الخميسي للجمهور

وجهت الفنانة لقاء الخميسي رسالة للجمهور، مؤكدة على ضرورة أن يعامل الجمهور الفنان كإنسان طبيعي مثله لديه الكثير من المشاكل والاضطرابات.

قالت “الخميسي” خلال فيديو لها نشرته عبر حسابها على موقع تبادل الصور والفيديوهات “إنستجرام”: ” يا جماعة الفنان بني آدم عنده نفس المشاكل والتفاصيل اللي بتمر بيها، عنده أزمات نفسية ومادية وعائلية، وعنده مشاكل، إحنا مبنحبش نوريكوا مشاكلنا، إحنا موجودين عشان نبسطكوا.. فرجاء حبونا شوية وشوفونا بني آدمين عندنا مشاكل، الرحمة حلوة”.

في سياق آخر قالت الفنانة لقاء الخميسي، إنها تستنكر فكرة “قائمة الزواج”، لم توقع هي وزوجها محمد عبد المنصف، لاعب المرمى الشهير، على قائمة للزواج، حيث إنهما جهزا منزلهما بالاشتراك مع بعضهما.

نرشح لك: لقاء الخميسي: أبرز مشكلة تواجهني في عملي هي زواجي من لاعب كرة

أوضحت، في حوار لها على “اليوتيوب” مع برنامج “حكايتي” على قناة “Girls Space”، أنهما لم يحضرا الكثير من الأشياء، وأجلاها، وبعض الأجهزة لم يحضروها إلى الآن، مؤكدة أنها لا تتذكر من الأساس أنها لا تملكها.

أضافت: “أنا ضد قايمة الجواز، يعني إيه قايمة؟ يعني جبنا الأجهزة والعفش وكل حاجة، وفي الآخر اتخانقنا، الأجهزة دي هتعملي أيه؟ ما حياتي خلاص باظت، ما تغور”.

أردفت: “ومفكرناش فيها ولا عمرنا فكرنا، احنا الاتنين ساعدنا بعض في تجهيز البيت، وفي حاجات مجبنهاش لحد دلوقتي ومبفتكرش أصلا أنها مش عندي، والأهالي اللي بتبررها إنها حق، فحقك الإنساني أهم من المادي، أني أكون زوجة بتحبني بتحترمني بتحن عليا، فين المشكلة إن مين هيصرف لما يبقى قادر هو يصرف، احنا بنشارك مشاعرنا وحياتنا هنتكلم عن الفلوس والقايمة؟”.