رمضان عبد المعز يحذر من الدعاء على الآخرين

حذر الشيخ رمضان عبد المعز من الدعاء على الآخرين بالسوء، موجها نصيحته بالدعاء لهم بالهداية أفضل.

قال “عبد المعز” في برنامج “لعلهم يفقهون” على شاشة dmc: “فيه ناس بتدعي على أهاليها! ناس بتقف قدام الكعبة ويقول كشفت راسي إلهي يجيله ويحط عليه إلهي ما يوعى، معرفش بيعملوها إزاي”.

نرشح لك: “هل يوجد علاج بالقرآن”؟ عمرو الورداني يجيب

تابع: “ليه يا حاج كده؟ بيدعي على جاره علشان في يوم من الأيام رفع صوت الكاسيت، هو غلطان بس هو الرد على المخطيء، إن إحنا ندعي ربنا يخرب بيته؟ يعني النبي كان بيدعي للمشركين وإحنا مش قادرين ندعي للمسلمين؟”.

استكمل: “بتلاقي حد بيدعي على الناس، ليه كده يا أخي؟ ادعيلهم ربنا يهديهم، إلى كل أم، والنبي يا حاجة ما تدعي على ولادك، ادعيلهم بالهداية، أنا عارف أن العيال دلوقتي تتفاتلها بلاد، ومزعجة وبتعمل مشاكل، الصبيان بالذات، معلش ادعيلهم دعوة منك كده في انصاص الليالي بالهداية”.

نرشح لك: “عندي 65 سنة ومبقتش متقبلة جوزي”.. عمرو الورداني يرد

أضاف: “سيلفتك اللي مضايقاكي وعمالة تدبر وتكيد ادعيلها ربنا يهديها بدل ما هي ضدك هتبقى انتيمتك وصاحبتك، إحنا ليه مابندعيش لبعض؟ لو واحد منشف ريقي طيب ما ادعيله بالهداية هيبقى مكسب ليا”.