سهير رمزي: ندمت على عدم الإنجاب
عبرت النجمة سهير رمزي، عن شعورها بالحزن لعدم إنجابها، قائلة: “أنا وصلت لمرحلة أمي في السن، وأنا زعلانة أني عملت في نفسي كده وأني مجبتش إنسان يقف جنبي وعشان كده بحب الجيل الجديد اللي طالع وبيشوف حياته وبيتجوز ويخلف وجيلنا كلنا كنا بنخاف عشان النجومية والشهرة”.
أضافت “رمزي” لقائها في برنامج “حبر سري“، مع الإعلامية أسما إبراهيم، على قناة القاهرة والناس: “لو كنت جبت طفل وأنا شغالة مكنتش هخرج بره البيت، وكانت أنانية مني لأني حبيت نفسي اكثر من أني أكون عندي طفل وفكرت في التبني ولكن مش يعيش معايا لأنها مسئولية”.
نرشح لك: سهير رمزي: كنت مقتنعة بأدواري الجريئة ولن أحذفها
وعن رأيها في الفنانين اللي بيرفضوا التلامس، ردت قائلة: “كل المهن فيها حلو ووحش ولكن إحنا عشان علينا ضوء بنبقى عرضة لحاجات كتير وانتقاد والفنانين بيقولوا كده من الناحية دي وأي مهنة فيها كل شيء”.