صفوة: عايزة أمحي كلمة راقصة من تاريخي

كشفت الفنانة صفوة كواليس حياتها الشخصية، وأسباب اعتزالها للرقص في وقت مبكر، مؤكدة أن مهنة الرقص صعبة للغاية.

تابعت صفوة خلال لقائها مع الإعلامية مروة صبري في برنامج “قعدة ستات”، الذي يعرض على شاشة “القاهرة اليوم”: “دخلي من الرقص كان كبير جدًا، وحتة راقصة دي، أنا محيتها لأني اعتزلت من 18 سنة، وأنا مش حابة، أن يسبق اسمي اسم الراقصة، وأنا عارفة اللي بقوله ده هيقوم الدنيا عليا”.

نرشح لك: صفوة: “كل ما العري بقى أكتر.. كل ما الفنانة بقت أكبر”

أضافت: “وأنا عملت مجهود كبير جدًا، عشان أثبت إني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات”.

استكملت: “لغاية النهاردة، أما تيجي تشتمي حد هتقوليله كذا، وأنا صريحة، وعارفه أن مافيش حد هيقول كده، وبرغم أني كنت شاطرة جدًا في مهنتي، ولما اعتزلت كان الاعتزال بدري جدا، لأن المهنة بقيت مهنة لكل ما لا مهنة له”.

برنامج “قعدة ستات”، تقدمه الإعلامية مروة صبري على قناة القاهرة اليوم، يوم السبت من كل أسبوع، وتستضيف خلاله عددا من نجوم الفن والشخصيات العامة والمشاهير.