تفاصيل توزيع عارفة عبد الرسول أموالها مناصفة بين نجلها وابنتها

قالت الفنانة عارفة عبد الرسول، إنها تُعلم أبنائها حب التعاون، خاصة أن نجلها أكبر من ابنتها بنحو 6 سنوات، لذلك تعلمه أن يُراعيها.

أضافت “عبد الرسول” خلال لقائها في برنامج “كلام الناس” المذاع عبر شاشة “mbc مصر”، مساء الأحد، وتقدمه الإعلامية ياسمين عز: “لو عندك بنتين أو ولدين واتجوزوا وتدخل أطراف غرب الدنيا بتختلف، فتلاقي جوز بنتي مش بيحب مرات ابني، ومش عايز الولاد دول يختلطوا مع الولاد دول، وأنا عايزة الولاد كلهم يتربوا ويحبوا بعض”.

أشارت: “أنا طول عمري مبفرقش بينهم، وبحب أساوي بينهم في أي حاجة، فقولت لهم أي حاجة هسيبها بالنص بينكم وبين بعض، تقبلوا.. لكن مرات ابني قالت والشرع يا طنط، حتى أنا كتبت بوست بالكلام ده والناس دخلت هاجمتني ومكنتش واخدة بالي، في حد دخل قالي في حاجة اسمها الهبة يعني تهبي على حياة عينك، بس العملية يعني مهياش ڨلل وقصور هتتحل يعني”.

أردفت: “في طرف بيدخل في الموضوع بس أنا بحتويهم يعني مرات ابني بتحبني جدا ودايما تقول لي هي مبتستخسرش فيا حاجة ودايما في ضهري وأنا بقولها شوفي أنتي مربية ولادك إزاي والأطراف اللي بتدخل بتبوظ العلاقة”.