أنا اللي برفض الشغل .. أحمد عيد ينفي تعرضه للظلم
استنكر الفنان أحمد عيد تحريف تصريحاته الأخيرة بشأن غيابه عن الساحة الفنية مؤخرًا، مؤكدًا إنه لم يقصد الشكوى، أو إنه يتعرض للظلم.
أوضح “عيد” في بوست نشره عبر حسابه الرسمي على موقع التواصل الاجتماعي “فيس بوك”: “لقيت تصريح متاخد من سياقه من كلام كان بيتقال بهزار.. حابب أوضح إني مقصدش أشتكي ولا أبان عندي مظلومية.. أنا الحمد لله بيتعرض عليا شغل كتير وأنا اللي مش عايز اشتغل غير اللي شايفه كويس احتراماً لنفسي وللجمهور”.
نرشح لك: 6 تصريحات للراقصة صفوة.. أبرزهم عن الرقص الشرقي وسرقة زوجها لها
وأضاف عيد: “أنا مش فارق معايا اشتغل أصلًا أو مشتغلش، المهم أعمل اللي أنا مقتنع بيه، أنا ماديًا مش محتاج ولا عندي مشكلة.. الحمد الله”.
تابع: “بالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقتك وشنبك.. عايز أقوله إن بس ده راكور عشان بصور حاليًا.. وبجد بشكركم كلكم على رسائل وبوستات الدعم والمحبة”.
كان الفنان أحمد عيد، قد حضر حفل توزيع جوائز joy awards ، الذي أقيم الجمعة الماضية، بالمملكة العربية السعودية، ضمن فعاليات موسم الرياض.
وقال في تصريحات على هامش الحفل: “أنا مبقتش موجود على الساحة، وتفاجأت بدعوتي لـ حفل joy awards وفرحت جدًا إنهم افتكروني، ونفسي آجي تاني”.
يذكر إن الفنان أحمد عيد، يشارك في موسم دراما رمضان المُقبل من خلال مسلسل “عملة نادرة”، بطولة الفنانة نيللي كريم، وهو من تأليف مدحت العدل، وإخراج ماندو العدل، وإنتاج جمال العدل.