محسن جابر باكيا: كنت بين يديّ الله في فترة كورونا

أعلن المنتج محسن جابر، عن قرار تقاعده عن العمل، موضحا أنه نقل المهمة لأولاده الثلاثة، لافتا إلى أنه قرر التقاعد ليعيش حياته لنفسه.

قال “جابر” خلال لقائه مع “et بالعربي“: “أنا لما وصلت مرحلة الـ 60 من عمري قررت اتقاعد ونقلت المهمة لأولادي، جريت كتير وحفرت كتير جه الأوان أن أعيش حياة ليا، أنا في أيام كورونا كنت بين إيدين ربنا وطلعت بالعافية الجري ده كله جري دنيوي كله رايح”.

فيما نفى “جابر” وجود خلاف بينه وبين الفنانة ميادة الحناوي قائلا: “لو بصيت على الموبايل هتلاقي ميادة الحناوي كل يوم الصبح بتصبح عليا، وبتطمن على صحتي لأني كنت تعبان شوية”.

وعن عدم جمعه للفنان تامر حسني والفنان عمرو دياب في عمل غنائي واحد أوضح: “لازم تحط للتاريخ والأعمار حدود يعني مينفعش تحط محمد هنيدي جنب عادل إمام، لما تعمل دويتو تحط عمرو دياب مع راغب علامة، تامر حسني مع حماقي”.

أضاف: “عمرو دياب علاقتي بيه على أعلى وجه وكان غنى في فرح ابني ولم يتقاضى أجر، ولما عرضت عليه رفض، وتامر حسني مش بس غنى في الفرح ده خلى كل الفنانين تطلع تغني”.

أما عن علاقته بالفنانة سميرة سعيد، والفنان راغب علامة، أشار جابر”: “سميرة سعيد أنا على تواصل معاها حتى اللحظة بتاعت الصبح، لأني برتب لها من علاقاتي تعمل دويتو من في حفلة طلال.. وراغب علامة من الفنانين اللي بعتبرهم واحد من بيتي”.