شاهد.. سحر رامي تبكي على الهواء بسبب حسين الإمام

بكت الفنانة سحر رامي على الهواء، خلال حديثها عن ذكرياتها مع زوجها الفنان الراحل حسين الإمام.

قالت “رامي” خلال حلولها ضيفة على برنامج “مساء dmc” مع الإعلامية إيمان الحصري، المذاع عبر شاشة “dmc“: “لما بفتكره ما بيجيش على بالي حاجة وحشة، يمكن كان في بيننا لحظات بنتعصب فيها زي كل البشر، بس دايما بفتكرله الحلو، وهو على طول على بالي”.

نرشح لك: زوج علا غانم ينفي اتهاماتها له: واقعة تحت تأثير المخدرات

أضافت: “إحنا اشتغلنا مع بعض بس مش كتير، واشتغلنا مع بعض قبل ما نتجوز كمان فيلمين، آخرهم فيلم (زي عود الكبريت) ده نزلناه بعد ما مات”.

في سياق منفصل، كانت الفنانة سحر رامي قالت إنها لم تعد تحتفل بعيد ميلادها إطلاقا بعد وفاة زوجها الفنان حسين الإمام.

تابعت خلال لقائها في برنامج “كلام الناس” المذاع عبر شاشة “mbc مصر”: “يوم وفاة حسين الإمام كان بيصور مسلسل في بيروت وكان رايح جاي، وقبلها بيومين كنا بنحتفل بعيد ميلادي وجالي من بيروت عشان يحتفل معايا، ووإحنا راحين نحتفل كنا بندردش في موضوع دراسة سالم ابننا بره في بلچيكا وإن يوسف كمان يعنل ماچيستير بره، وإننا هنبيع كل حاجتنا في مصر ونسافر نعيش معاهم”.

أضافت: “قالي بعدها بقى لما يخلصوا دراستهم نبقى نشوف البلد اللي عاوزينها نعيش فيها، قولتله يا مين يعيش.. ومفتكرتش غير بعدها الحوار ده، أنا بعدها لغيت إن يبقى في عيد ميلاد ليا أساسا”.