تامر أمين للحسيني وشردي: إيه اللي موقفكم؟! - E3lam.Com
استعجب الإعلامي “تامر أمين”، رد الإعلاميان يوسف الحسيني ومحمد مصطفي شردي، علي إخوانيين قاموا بالإعتداء عليهم لفظياً وجسدياً، أثناء زيارتهم لمدينة “نيويورك” الأمريكية بالتزامن مع زيارة الرئيس عبد الفتاح السيسي.
وقال أمين، في برنامج “من الآخر”، المذاع علي قناة “روتانا مصرية” : “إيه اللي موقفكم، حصل قبل كدة للحسيني من سنة وأنا في نفس اليوم طلعتو إتكلمت، ليه مش بنتعلم، إحنا رايحين والسفلة دول مستنيينا، وبالتالي مخرجش وأقفلهم، مش لما ألقيهم أفضل أشتمهم وأضربهم، أنتوا كدة بتنفذوا اللي هما عايزينوا، هما فضلوا مستنينكم بـ 3 ساعات، ومحضرين كاميرات
الموبايل عشان يكسبوا اللقطات الذهبية دي”.
واستكمل أمين : “أنت بقي بتديهم الفرصة، إتفرج بقي علي المواقع الإخوانية، ليه تخليهم ياخدوا بونت علي قفاك، وعلي فكرة قفاك زي قفايا ياحسيني، ليه تخليهم بقي ياخدوا بونت علي قفانا، هما واقفين وبيحضروا للوقفة دي، هما محروقين وكل ما مصر هتتقدم ونستقل سياسياً وإقتصادياً هماهيتحرقوا، عشان فرصتهم في الرجوع راحت، القافلة تسير والكلاب تعوي”.