تزوجت 9 مرات وبدأت تدريب جيل جديد.. أبرز تصريحات دينا في "كلمة أخيرة"

حلت الفنانة والراقصة دينا، ضيفة مع الإعلامية لميس الحديدي في برنامج “كلمة أخيرة“، المذاع عبر شاشة “on”, مساء أمس الأحد.

تحدثت دينا خلال اللقاء عن زيجاتها واتجاهها لتدريب الرقص، مرورا بدراستها للفلسفة وموقفها من الراقصات الأجنبيات في مصر، وغيرها من المواضيع.

نرشح لك: دينا: “بدرب رقص عشان أفضل أرقص لما تغيب الأضواء”

وفيما يلي نستعرض أبرز تصريحات الفنانة دينا خلال لقائها في برنامج “كلمة أخيرة”:

١- “اتجوزت 9 مرات، ودول قليلين، تحية كاريوكا اتجوزت 13 مرة فأنا بتنافس معاها، كانت عظيمة.. أقصر جوازة اتجوزتها قعدت سنة وأطول جوازة قعدت 5 سنين”.

٢- “أنا لو سبت الرقص مش هبقى أنا، هبقى واحدة تانية مكسورة ومتاخد منها حاجة.. حاجتين بقولهم قبل الجواز، أنا مش هسيب الرقص، وأول ما تزهق متصاحبش حد، تعالى قولي وأنا همشي، واتخانت كتير أوي”.

٣- “كان زمان الشغل بيبتدي من 9 بليل لـ 6 الصبح كل يوم، أكيد الراجل اللي يستحمل ست بالشكل ده لازم ياخد جايزة نوبل.. أنا مش من النوع اللي بواجه أنا بمشي”.

٤- “مرة إتكعبلت في سلك فيديو وطرت وأنا بطبعي بقع وبقوم حتى لو موجوعة من شدة إحراجي، لأني بتكسف اوي من السقوط لازم أقوم وأكمل الفقرة، المهم لما أقع وأنا برقص أقوم عشان لازم أقف وأكمل وبعد انتهاء الفقرة كنت ببدأ اكتشف آلام وتورمات وكدمات”.

٥- “أنا بعشق الرقص وهو أكبر حب في حياتي، لكن لا يفوق حبي لابني علي، ورغم كل المسيرة دي بس لسه بخاف من مواجهة الجمهور وبعمله حساب وببقى قلقانة لسه وأنا بطلع المسرح، قبل ماشتري أي فستان وعاوزة أعرف رأي الناس، والرقص هو حياتي وبستمتع طول الوقت بالرقص وعشان كده بدرب رقص دلوقتي، عشان أفضل أرقص لما تغيب الأضواء”.

٦- “بقالي ثلاث أو أربع أيام بجرب نظام جديد وهو أني أوقف كل العيش والألبان والفراخ والبيض، وأكل بس سمك ولحمة وعيش الردة ومربة وشوكلاتة وأيس كريم، بس مش باكل التورت ولا الجاتوه وباكل الجبن المطبوخة لكن الرومي منعناها”.

٧- “أنا اللي معلمة الراقصات الأجنبيات وجبتهم مصر، مش ممكن يهزوا أرضيتي.. أوكسانا جبتها من روسيا بعد ما كسبتها المركز الأول هناك ودخلتها برنامج الراقصة، لكن هما في التمرين بيعملوا أداء أحلى من العروض، لأن لقوا الناس بتحب حركات معينة مش رقص شرقي”.

٨- تمنيت العمل مع المخرج الراحل محمد خان، وتعاقدت معه بالفعل على بطولة فيلم “مستر كاراتيه”، لكن الدور ذهب في النهاية لنهلة سلامة لأن محمد خان أحبها وتزوجها، “قدام الحب كل شيء مباح”.

٩- لا يمكنني تحمل صفة البخل في أي رجل، “أنا ست بيت شاطرة وبوفر وبطبخ بإيدي مش باكل من إيد حد”.

١٠- ابني علي مسافر للدراسة الجامعية في باريس، عاوز يبقى طباخ، عشان كده أنا معجبة بالجيل الجديد لأنه بيخترق مجالات مختلفة وفيها إبداع.