تامر حسني يشيد بدعاء رجل لا يعرفه: حسيت إنه جالي
أبدى الفنان تامر حسني، سعادته بمشاهدة مقطع فيديو لرجل لا يعرفه، ظهر وهو يقف أمام الكعبة ويدعو لكل من يشاهده.
نشر “حسني” الفيديو عبر حسابه على “إنستجرام”، وعلق عليه كاتبا: “لفت نظري الصدق اللي خارج من قلب هذا الراجل الطيب مع إني معرفوش بس شوفته وكأنه بيدعي لأولاده وأحبابه عن ظهر قلب، كلامه صح أوي يا جماعة ما دام الدعاء وصلك وهو طالع من القلب كده، يبقى إن شاء الله ربنا قاصد يوصلهولك بس رددوه وقولوا آمين لنا ولأهل سوريا وجميع بلادنا وشعوبنا اللي محتاجة كل كلمة فيه وكل الدنيا”.
نرشح لك: حقيقة اعتزال عبلة كامل التمثيل
تابع: “وعايز أقول كلمة صغيرة من أخ لكم جايز تفرق مع شخص واحد، متستهونوش بالأدعية اللي بتجيلكوا رسايل على التليفون من ناس متعودة تبعت وناس متعودة للأسف متردش، والله يا جماعة ساعات بيبقى ربنا جايبلك الدعوة لحد عندك عشان يفكرك انك محتاجها وإنه بيحبك ومستنيك تقولها بس عشان يشيل عنك حاجة انت متعرفهاش أو يعلي درجتك ويكافئك بحاجة نفسك فيها وانت مش مدرك أهمية اللي اتبعت ليك وأهملته أصل مفيش حاجة صدفة في الدنيا كله متقدر لسبب، واللي مش بيردوا قال ايه عشان فكرة إن الدعوة مبعوتة للكل مش بشكل خاص فا مش هيردوا، طب ما ده رزق رايح للكل ايه يزعلك في كده، ده انت المفروض تفرح إنك من ضمن الكل اللي رايحلهم الرزق الجميل ده”.
أضاف: “حسيت بالدعاء بما انه جالي فقلت هبعته لكل الناس، انتوا كمان ابعتوه لكل الناس وادعوه لأهاليكم وأولادكم وأحبابكم وكل الناس أكيد فينا كتير محتاجينه.. (اللي بيطلع من القلب بيوصل للقلب) اللهم آمين”.
View this post on Instagram
في سياق منفصل، أصدرت شركة الفنان تامر حسني TH production، بيانا أوضحت خلاله أن أي تعاقدات خاصة به ستكون من خلالها.
نشر الحساب الرسمي لتامر حسني على موقع التواصل الاجتماعي فيس بوك، البيان، وجاء نصه كالآتي: “بيان خاص لشركة TH production للفنان تامر حسني.
للتواصل مع الشركة وأي تعاقدات خاصة بالفنان تامر حسني سيكون من خلال شركة TH Production والعلاقات العامة Halla omar وذلك بصفة مؤقتة حتى الإعلان رسمياً عن الإدارة الجديدة”.
يذكر أن آخر أعمال تامر حسني، فيلم “بحبك” من تأليف وبطولة تامر حسني، ويشارك في بطولته كل من: هنا الزاهد وحمدي الميرغني ومدحت تيخة وهدى المفتي، أحمد عزمي، وتميم عبده وسمر محمد متولي، وعاليا راشد وآخرون، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.