كلمات أغنية "قادر أكمل" لـ أحمد سعد
طرح الفنان أحمد سعد، أحدث أغانيه بعنوان “قادر أكمل”، عبر قناته الرسمية على موقع الفيديوهات “يوتيوب”.
الأغنية من كلمات أمير طعيمة، ألحان أحمد سعد، توزيع وميكس وماستر محمد عاطف الحلو.
نرشح لك: إهداء إلى نجله الراحل.. شاهد كليب “نص عمري” لـ جورج وسوف
وجاءت كلمات الأغنية كالتالي:
أيوه بسببك قادر أكمل
وقت ما بتعب ليكي بروح
لما بيبان الدنيا تقفل
حضنك آخر باب مفتوح
يا اللي عيونك وقت ما بغرق
بالنسبة لي دي مركب نوح
أنتي الحتة الحلوة في قلبي
ببقى في قربك مش قلقان
أنتي حبيبتي وأمي وبنتي
وماليش بعدك تاني مكان
حببتيني في أيام عمري
رجعتيني لنفسي زمان
وأنا بين إيديكي
إحساسي بيكي
لو قلت ليكي مابيتحكيش
جيتي وبقيتي
أهلي وبيتي
لو يوم مشيتي
إزاي هعيش
عمرك لحظة ما نزلتيني
لا بالعكس أنا بيكي عليت
ولا بعتيني ولا خذلتيني
وبتديني أكتر ما أديت
قبل ما بندهلك بتجيني
ضهري وسندي لو اتهزيت
نصي التاني اللي بيفهمني
قبلك عمري ماهوش محسوب
حبك هو اللي مكملني
من نقصي ومن أي عيوب
إحساس بأمان بيطمني
وسط حياة مليانة حروب
وأنا بين إيديكي
إحساسي بيكي
لو قلت ليكي آه مابينتهيش
جيتي وبقيتي أهلي وبيتي
لو يوم مشيتي إزاي هعيش