سبب تخوف سوسن بدر من تقديم السلسلة الوثائقية "أم الدنيا"
كشفت الفنانة سوسن بدر، أنها تخوفت من تقديم السلسلة الوثائقية الدرامية “أم الدنيا” والتي عرضت على منصة WATCH IT،وتكون الموسم الأول من 15 حلقة، تسرد في إطار تشويقي وإنساني بسيط وملم بتاريخ مصر الطويل، موضحة أنها شيء جديد عليها ولم تفعله من قبل.
أضافت “بدر” خلال لقائها في برنامج “صاحبة السعادة” المذاع عبر شاشة “dmc”: “في التمثيل لو نسيت كلمة هعرف أجيب بدالها وهتمشي في السياق لكن هنا لو نسيت كلمة أو غلطت في معلومة أو تاريخ أو اسم المخرج هيوقفني، أنا فاكرة في الأول الأسماء كانت بالنسبة لي مشكلة”.
نرشح لك: عمرو دياب يتصدر ترند يوتيوب بأحدث أغنياته “بطمن عليك”
أشارت: “بالنسبة لي كانت مسؤولية ومكنش في استمتاع 100% لأن طول الوقت ذهني كان لازم يبقى صاحي جدا للمعلومات اللي هقولها وكان ساعات يبقى فيه في الحلقة الواحدة تنقلات”.
أوضحت:” إحنا كنا بنصور في عز الصيف وكله في الصعيد، في مرة فريق العمل كله من أكبر حد لأصغر حد جاله ضربة شمس.. إحنا كان عندنا هدف نفهم الناس كلها من أول الطفل اللي عنده 9 سنين، لحد أكبر شخص”.
سلسلة “أم الدنيا” الموسم الأول يتكون من 15 حلقة، تسرد في إطار تشويقي وإنساني بسيط وملم بتاريخ مصر الطويل منذ بدايته وحتى العصر الحديث. وتبدأ سلسلة الأفلام بتتبع آثار وتطور الإنسان المصري القديم منذ حوالي عشرين ألف عام، مروراً بتوحيد الأرضين و عصر بناء الأهرامات، وعصور الاضمحلال الأولى والثانية، وملوك الهكسوس وازدهار ملوك الدولة الحديثة إلى أن نصل إلى حكم كليوباترا ونهاية عصر الأسرات.
الحلقات تسلط الضوء على المادة التاريخية بشكل متطور لتربط بين المشاهد وشخصيات هامة في تاريخ الدولة المصرية وتضيف للمادة التاريخية بُعد إنساني ودرامي لأول مرة يتم استخدامه في سرد تاريخ مصر القديمة.