ريهام عبد الغفور تكشف تفاصيل شخصيتها في "الأصلي"
كشفت الفنانة ريهام عبد الغفور، عن تفاصيل شخصيتها “فاطمة الأصلي”، في مسلسل “الأصلي”.
أضافت “عبد الغفور” خلال لقائها مع “et بالعربي“: “فاطمة الأصلي بنت أبوها أوي وأكتر واحدة وارثة طباعه وشغلانته، هي بتشتغل في التوفيقية في قطع غيار السيارات وبتتعامل مع رجالة كتير، فهي مع أنها ست، بس شخصيتها قوية”.
نرشح لك: مواعيد عرض مسلسل “الأصلي” على قناة “dmc”
أشارت: “ممكن حد يشوفها ظالمة أو مظلومة أو طيبة أو شريرة، هي بتحاول تعمل للمصلحة ولكن من نظرها هي”.
وعن ظهورها بدون مكياج في المسلسل أوضحت: “أي شخصية بتنفع من غير مكياج بشتغل من غير مكياج زي “منعطف خطر”، على حسب الدور عايز إيه.. أنا بحاول على قد ما أقدر أخلي الموضوع أقرب للناس”.
من جانبه كشف الفنان إسلام جمال، تفاصيل شخصيته في مسلسل “الأصلي”، موضحا:” فاروق هما عيله من التوفيقية تجار وناس ولاد بلد بيتوفى الأب وبيحصل مشاكل مع الأخوات، كل واحد في الأبطال ليه مشاكله الخاصة بعيد عن العيلة”.
في نفس السياق قالت الفنانة منال سلامة، إن عائلة “الأصلي” كلها تعمل في قطع غيار السيارات، وبينهما صراع دائم على الإرث.