عمرو راضي عن صورة أحلى ex: كنا بنهزر
عمرو راضي عن صورة أحلى ex
رد الإنفلونسر عمرو راضي على الانتقادات التي وجهت له ولخطيبته عارضة الأزياء هدير النحاس، بسبب الصورة التي نشرها صديقه مع “راضي” وخطيبته على موقع “إنستجرام”.
وعلقت هدير النحاس على الصورة قائلة: “أحلى ex في حياتي”، مما جعل الكثير من مستخدمي وسائل التواصل الاجتماعي بالسخرية من “راضي” وخطيبته.
نرشح لك: رسالة أحمد إبراهيم لـ عمرو دياب بعد نجاح أغنية “بطمن عليك”
كتب “راضي” عبر خاصية القصص القصيرة على موقع الصور والفيديوهات “إنستجرام”: “تطلعونا مش رجالة وشوية تطلعونا هبل، رايح أخطب ex أنتیم عمري 15 سنة عشان كومنت بتهزر فيه على نكتة بينا وبين صحابنا.. عشان عشت مع أنتيمي عمري كله وجت هيا خدتنا من بعض”.
أضاف: “وطبعا عشان خالف تُعرف لو شايف الناس كلها بتبارك لحد ومبسوطين له لازم أطلع أنا بقى الجامد وأقول لا لا البيوت بتدخل من أبوابها وفين الأهل وفين وفين”. عمرو راضي عن صورة أحلى ex
تابع: “يعني أنا والبنت اللي بحبها نعرف بعض من سنة ملناش صورة واحدة نزلت حفاظا مني عليها كبنت وأنه مينفعش بحکم أن الناس عارفاني أربط اسمها ب أسمي إلا لو في حاجة رسمية”.
تابع: “المفاجأة بتبقى مفاجأة مش عشان هي مكنتش عارفه إني هخطبها هي عارفة ومتأكدة من زمان أنها اختياري الوحيد وإني بحبها وراجل وقد كلامي.. المفاجأه هي المجهود اللي بتبذله عشان تفرّح اللي معاك، وتحسّسها قدام الكل قد إيه أنت بتحبها ومستعد تعمل أي حاجة عشان بس تشوفها مبسوطة”.
أردف: “حبوا بعض وتخلصوا من عُقدكوا وكفاية إدعاء مثاليه علينا.. شكرا يلا نكمل إنبساطنا”.
