أحمد وفيق: أنا أهلاوي وحسن شحاتة سبب حبي للزمالك
قال الفنان أحمد وفيق، إنه يشجع النادي الأهلي ولكنه لا يتحدث عبر وسائل التواصل الاجتماعي، لأن الناس تأخذ الأمر إلى ما هو أبعد من التشجيع فيجعلونها مشاجرة، موضحا أن نادي الزمالك جزء من التراث المصري.
أضاف “وفيق” خلال لقائه في برنامج Spotlight” المذاع عبر شاشة “صدى البلد”، وتقدمه الإعلامية شيرين سليمان: “الأهلي جميل، بس أنا بقالي فترة بشجع بس مبتكلمش على السوشيال ميديا لأن الناس واخدينها خناقة.. أنا أهلاوي جدا ونص صحابي لعبوا في الزمالك، وأخويا الصغير زملكاوي ووالدتي الله يرحمها كانت زملكاوية.. بيتنا بيفهم في الكورة، يعني أنا أهلاوي وبتفرج على الزمالك عشان هو فريق كبير”.
نرشح لك: شاهد.. بكاء لؤي أثناء الحديث عن والدته
أشار: “الزمالك جزء من تراثنا المصري، خصوصا لما بنروح برا مصر، أحلى سؤال بتسأله أنت أهلاوي ولا زملكاوي، ببقى عارف إننا عندنا تأثير، وفيه لاعيبة من الزمالك ببقى قلقان يصاب أو مستواه يقل عشان المنتخب”.
أوضح: “اللي يصنع الكورة بيحب الكورة، هل كان في أهلاوي مبيحبش يتفرج على حازم إمام، الخطيب كان أسطورة مصر والزملكاوية عمرهم ما انكروا ده، حسن شحاتة ده أسطورة، وده سبب حبي للزمالك”.