عمرو أديب يحذر من نصب بعض "اللايف كوتشينج"

 اللايف كوتشينج

قال الإعلامي عمرو أديب إنه يؤمن أن الغنى هو غنى الفلوس، وليس النفس كما يظن الكثير، مضيفا: “مش هقولك الغنى غنى النفس، الغنى غنى الفلوس، مفيش حاجة اسمها غنى النفس، الناس اللي وصلت عندهم موهبة أو قدرة أو حاجة عبقرية، ومش عيب إنك معندكش ده، في ناس عندها وناس لأ، وإلا كلنا كنا بقينا مليونيرات”

وانتقد “أديب” خلال برنامج “الحكاية” الذي يعرض على فضائية “mbc مصر” أمس الجمعة، ظاهرة انتشار “اللايف كوتشينج”، واستغلال البعض لطموحات الشباب واقناعهم بتحقيق الثراء على غرار مشاهير مليونيرات العالم.

نرشح لك: شاهد.. الإعلان التشويقي لفيلم “شوجر دادي” لـ ليلى علوي

وتابع: “اللي بينصحك لو يعرف الطريقة كان نفع نفسه وبقى ملياردير، مش كل الناس هتوصل، وإلا بقى كله مليونيرات”.

وأضاف: “اللي بينصحك واخد فلوس عشان يعمل زيارات للموقع، الموقع مش هيعلمك حاجة، ولا هيخليك عبقري، مش كل الناس هتوصل، مش كل الناس هتبقى بيل جيتس”.

وأكمل: “من 5 أو 6 سنوات كنا نعرف أسامي الأغنياء اللي في مصر، ده بتاع الحديد، ده بتاع العقارات، كنا عارفينهم بالاسم، لكن في الـ7 أو 8 سنوات اللي فاتوا، بقى في ناس مليونيرات جداد لانج، منعرفش أساميهم، في ناس بتعمل فلوس اصحى! هما دول الـ100 اللي بياخدوا الـ100 عربية اللي نزلوا، هما دول الـ100 اللي بياخدوا الـ100 فيلا اللي نزلوا”.