محامي بالنقض: نصف شباب مصر بالسجون بسبب القايمة
قال المحامي عصام حجاج، المحامي بالنقض، إن حاليا نصف شباب مصر بالسجون بسبب قضايا قائمة المنقولات الزوجية.
تابع خلال لقائه مع برنامج “كلام الناس”، المذاع عبر شاشة “mbc مصر“: “دلوقتي بنلاقي واحدة عايشة طول حياتها بـ 3 فوط، ولما بنتها تتجوز تقول للعريس لا والله بنتي مش هتتجوز غير بـ 180 فوطة، يقوم العريس يقضي 8 سنين بيجهز في الطلبات قبل الجواز، وبعد الجواز 3 سنين في السجن بتهمة التبديد.. النهاردة نص شباب مصر بالسجون بسبب قائمة المنقولات”.
نرشح لك: عمرو الورداني: لا يجوز منع الأبناء من رؤية والدتهم في حالات الطلاق
أضاف: “النهاردة القضايا دي بتخضع لحكم جنائي والحبس فيها لحد 3 سنوات، والعريس يبقى رايح في الأول فاكر الدنيا وردي ويقولوله بنشتري راجل.. الجملة دي نموذج الحبس اللي بيحبس بيه نفسه”.
أردف: “العروسة لما تبصله وتضحك بيمضي على كراسة من غير ما يرجع لكبير عنده، عشان كده أنا بقوله لو مضيت على القايمة متجيش تعيط في المحكمة، يا إما بقى تفضل عايش مع الزوجة غصب عنك وتديلك على دماغك”.