سحر رامي: افتقدت حياتي بعد رحيل حسين الإمام
تحدثت الفنانة سحر رامي، عن علاقتها بزوجها الفنان الراحل حسين الإمام، وكيف تزوجت به، موضحة أنه رأها في إعلان وقرر أنه سيتزوجها رغم أنه لم يكن يعرف اسمها لافتة إلى أنها افتقدت كل شيء يمكن أن تستمتع به في الحياة بعد رحيله.
أضافت “رامي” خلال لقائها في برنامج “الستات مايعرفوش يكدبوا” المذاع عبر شاشة “CBC”: “معظم الإعلانات بتاعتي حسين هو اللي عمل المزيكا بتاعتها، بس مكناش اتجوزنا، هو شافني في إعلان الشراشيب ومكنش عارف اسمي وقال لوالده أنا عايز أتجوز البنت دي، فكنت بعمل مسرحية مع فؤاد المهندس وعرف اسمي من أولاده، وجه المسرحية وابتدي يتعرف عليا، وأستاذ فؤاد المهندس اختارني للمسرحية من نفس الإعلان”.
نرشح لك: استمع.. أبو يطرح أغنية “إلى حد ما”
أشارت: “حسين الإمام بالنسبة لي جوزي وصاحبي وحبيبي وأبويا، لا يتجزأ بفنه ومزيكته وتمثيله.. افتقدت حياتي كلها بعد رحيله، ومفتقده كل حاجة ممكن استمتع بيها في الدنيا، ابتدينا سوا وكبرنا وربينا العيال، أكتر حاجة مفتقداها الحوار مكناش بنبطل رغي، وأنا قاعده لوحدي بكلمه مش مجنونة بس بقول هنا كان هيقول كده”.
أما عن العقد الذي ظهرت به بالبرنامج أوضحت “رامي”: “العقد ده أنا عملته بنفسي.. دول حسين وأنا والولاد يوسف وسالم.. أنا زمان كنت بعمل لبسي بإيدي، هي موهبة عندي وأنا صغيرة”.
في سياق آخر، بكت الفنانة سحر رامي على الهواء، خلال حديثها عن ذكرياتها مع زوجها الفنان الراحل حسين الإمام.
قالت “رامي” خلال حلولها ضيفة على برنامج “مساء dmc” مع الإعلامية إيمان الحصري، المذاع عبر شاشة “dmc“: “لما بفتكره ما بيجيش على بالي حاجة وحشة، يمكن كان في بيننا لحظات بنتعصب فيها زي كل البشر، بس دايما بفتكرله الحلو، وهو على طول على بالي”.
أضافت: “إحنا اشتغلنا مع بعض بس مش كتير، واشتغلنا مع بعض قبل ما نتجوز كمان فيلمين، آخرهم فيلم (زي عود الكبريت) ده نزلناه بعد ما مات”.