رمضان عبد المعز: "سامح وحقك عند ربنا مش هيضيع"

قال الشيخ رمضان عبد المعز، إن الله سبحانه وتعالى قال للنبي صلى الله عليه وسلم (وَإِنَّ السَّاعَةَ لَآتِيَةٌ ۖ فَاصْفَحِ الصَّفْحَ الْجَمِيلَ)، موضحا أن كل شخص سيأخذ حقه عند الله، فلن يضيع حقك أحد، فقد قال تعالى (لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى).

أضاف “عبد المعز” خلال حلقة اليوم من برنامج “لعلهم يفقهون” المذاع عبر شاشة “dmc“: “كتير هيقولك أنا مش قادر، إزاي يعني أسامحه، الموضوع ده مش سهل.. هو إيه في حياتنا سهل الدراسة كانت سهلة؟ اتخرجنا وعايزين نشتغل سهلة يعني؟ عايز أكون نفسي سهلة؟”.

نرشج لك: رمضان عبد المعز: المساجد بتفضى بعد أول أسبوع رمضان

أشار: “لما تقول لواحد أعفو وأصفح يقولك أصل الموضوع صعب هو إيه في حياتنا سهل، وبعدين هو الدين خبى عننا حاجة، ما النبي علمنا إلا أن سلعة الله غالية، إلا أن سلعة الله الجنة، ما القرآن قال (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ)، بنجاهد أنفسنا في سبيل الله”.

أردف: “هو صيام رمضان والجوع والعطش ده سهل وقيام الليل لا صعب بس ربنا اللي سهله لنا.. أنا عارف أن الموضوع صعب لكن إحنا هنروح الجنة ببلاش.. كل واحد يقول للتاني ربنا قال للنبي (فَاصْفَحِ الصَّفْحَ الْجَمِيلَ).. النبي كان يعفو ويصفح”.