عمرو أديب: إحنا جيل فراخ الجمعية

ناشد الإعلامي عمرو أديب، الدولة المصرية بعدم الثقة في التجار، وسحب الدواجن البرازيلية من الأسواق بعد انخفاض أسعار الدواجن المصرية، حتى يتم التأكد من أن سعر الدواجن المصرية أصبح بنفس سعر نظيرتها البرازيلية.

أضاف “أديب” خلال حلقة اليوم من برنامج “الحكاية” المذاع عبر شاشة “mbc مصر”: “أنا بهيب بالدولة، لا تثقوا في السوق، ولا تثقوا في التجار، خلوا الفراخ المجمدة موجودة للناس تاكل لقمة حلوة، لحد ما نتأكد أن الفرخة المصري بقت زي أختها البرازيلي”.

نرشح لك: التموين: أسعار الدجاج واللحوم ستنخفض قبل رمضان

تابع: “قبل ما الفراخ دي تيجي ويعرفوا أن الله حق قالوا إحنا قدامنا 8 شهور على ما ترجع الفراخ تبيض تاني، طلعت الفراخ بتبيض في 24 ساعة، أنا لا بفهم في الفراخ ولا البيض، أنا بفهم في السوق والأسعار”.

أشار: “كمية الإشاعات اللي طلعت على الفراخ البرازيلي أكتر من الإشاعات اللي طلعت على أي حاجة في مصر، زي مثلا أنها ملهاش شوربة، دي جديدة دا لو حطيت عضم بني آدم في شوية مياه هيطلع شوربة، الفرخة دي مبتنفعش في الملوخية.. أنا النهاردة بقولك الفراخ دي بتعمل شوربة وملوخية وبتتحمر وبترقص وبتغني وبتمثل”.

أوضح: “أنا لا يهمني قيمة غذائية ولا بتاع أنا يهمني الطعم الحلو، وأنه بيحصل توازن في السوق، أنا لا بتاجر في الفراخ ولا بكسب منها حاجة، أنا باكل فراخ وخلاص، وعلى فكرة إحنا جيل كل فراخ مجمدة لما قال يا كيفها، إحنا جيل فراخ الجمعية، أمي كانت بتديني الفلوس وأقف في الجمعية أجيب فراخ”.

عمرو

أسعار الدواجن المصرية الإعلامي عمرو أديب برنامج الحكاية رئيسية شاشة mbc مصر