رمضان 2023.. تفاصيل مشاركة خالد الصاوي في 4 مسلسلات
خالد
دينا رحمو
كشف الفنان خالد الصاوي تفاصيل مشاركته في 4 مسلسلات وهم “سره الباتع”، “مذاكرات زوج”، “جت سليمة”، “الكتيبة 101″، والذي من المقرر عرضهم في السباق الرمضاني 2023.
قال الصاوي خلال لقائه في برنامج “the insider بالعربي“: “كان عندي مسلسل في رمضان وللأسف فشل فكان قدامي طريق من الاثنين، الطريق الأولاني اني ممكن تاخدني النجومية وأقول بدل مش هنزل بالعمل بتاعي يبقى أنا هستنى للسنة الجاية.. جربت السكة ده قبل كدة، وبنصح زملائي ميعملوش كدة لأن السنة اللي أنت بتقعد فيها في البيت بتضربك في 3 سنين، وتلاقي نفسك اتزنقت ومش عارف ترجع تاني كويس”.
نرشح لك: عمرو أديب عن جدل مسلسل منى زكي: هو مفيش محجبة وحشة؟
تابع: “الحل الثاني هو اني أشتغل فطلعت الغل بتاعي في 4 أعمال مع بعض.. أنا السنة دي هلعبها جوكر، أنك تشوفي 4 شخصيات مختلفة وفي 4 أعمال حلوة “.
وعبر عن سعادته بالتعاون مرة أخرى مع المخرج خالد يوسف، مضيفًا: “أنا سعيد بالعمل مع خالد يوسف.. هو مخرج له بصمة مهمة جدًا جماهريًا ونقديًا.. متحدي لنفسه وعنده رأي.. مشينا مع بعض في الفن ومشينا مع بعض في المظاهرات.. أنا بحب خالد يوسف”.
كما أوضح سعادته بدوره في مسلسل “سره الباتع”، قائلًا: “أنا مُرتبط بالشخصيات دي لأنها في وصف مصر، الموسوعة اللي سابتها الحملة الفرنسية من الرسومات ومن الشرح اللي بيتناول الثقافة المصرية، الشخصيات دي محفورة في دماغي فكانت فرصة عظيمة”.
وعن تفاصيل مشاركته في مسلسل “كتيبة 101” أوضح: “عمل بطولي عن مكان أنا روحت زورته وزرعنا فيه بإيدينا شجر زيتون باسم كل شهيد، في الأعمال اللي من النوع ده مش بنبص للأجر ولا للتتر، لأن الناس اللي بنتكلم عنهم خدموا بالدم”.
وعن دوره الكوميدي الذي سيشارك به في رمضان 2023، قال: “أشارك بدور الملك طمعان مع دنيا سمير غانم ومحمد سلام في مسلسل جت سليمة، في حاجة بتحصل لدنيا بترميها في زمن ومكان ما يسمى أرض النعام وهي مملكة أسطورية فيها الملك طمعان اللي هو أنا”.
View this post on Instagram