وائل سعد يكتب: دليل السكن في القاهرة (1)
دليل السكن في القاهرة
المناطق والشوارع في العاصمة ليها دورة حياة.. زي أي حاجة ما ليها دورة حياة.. مش فيه شارع كده مرة دخلته وأول ملاحظة ليك كانت (هو مال الشارع ده كله عيال كده ليه؟) وفيه برده شوارع تانية دخلتها وقلت (أيه الشارع اللي مفهوش حد اسئلة؟) فملامح كل منطقة وشارع في العاصمة بتتغير في دورة من ثلاث ملامح:
المنطقة أ: (منطقة المغناطيس) يسكن أغلب هذه المنقطة إما أزواج حديثي الزواج أو بالكاد لديهم طفل أو أسر قديمة زوج وزوجتة كبيران في السن ومعهم أبنائهم وأغلبهم فوق العشرين.. وأغراب كتير شيك في المنطقة وزغاريط ليلًا.. فإما زوجين جديدين قد استأجرا شقة.. أو خطبة تعلن اختفاء إحدى فتيات المنطقة قريبًا أو دخول سيدة جديدة للمنطقة قريبًا..
نرشح لك: طرح “جينات مصرية” لـ عمرو منير دهب بالمكتبات المصرية
بنشوف الأسر القديمة يتكبر.. فتلاقي أحفاد كتير متشعبطين في البلكونة وأعمدة المنطقة.. وهي نازلة تصلي أو في مناسبة.. وواحدة واحدة مبتلمح واحد ورا واحد في الشارع.. أو طلاقات سريعة لأزواج جدد لم لكن في وضع تنافر المغناطيس..
مناطق هادية.. لا يخلوه سماع أصوات لخناقات زوجية.. وتيييييييت مستمرة بتاعت سيارات مرتفع لأب من الكبار رجع ابنه يجيب الفلاشة
ملمح هذه المنطقة سيتغير بعد 10 سنوات ..
المنطقة ب: (منطقة الصداع) كمية عيال عجيبة من أول 4 سنين لحد 13 سنة ولاد الأزواج اللي كانوا جدد.. وقد انطلقوا على كثرتهم للشارع.. ولا يختلف هذا الأمر سواء كانت منطقة راقة أو شعبية.. العيال يحبون الشارع.. وخلاف هذا أصلًا أن كل طفل في أسرته في الغالب هو عامل “الديليفري” وكمية المستيقظين فجرًا أيام المدارس وكمية الباصات.. خناقات عيال طول الوقت.. ده أنصح بيها أسره تكون عندها مراهقين.. المراهق طوال الوقت بيحاول بيعد عن العيال علشان يحس بكبره.. فهتبقى أنت وعيالك في وادي والمنطقة في وادي تاني.. على ما مراهقينك يكبروا يكون عيال المنقطة كبروا ودخلوا في منطفة (كلها رجالة)
ملمح هذه المنطقة سيتغير بعد 10 سنوات ..
المنطقة ج: (كلها رجالة) وهي المنقطة الثالثة بين المناطق.. صوت “التجعير” تسمعه طول ما أنت ماشي.. والشقيق المراهق هو أحد لعنات الزمن.. كتلة من الاستفزاز والرخامة تسير على الأرض.. عايز يتخانق طول الوقت.. والشقيقة المراهقة التي تعيش مع أسرتها بإحساس أنهم ابعد.. اقرب.. اشخاص لهم .. فهي تحاول طوال الوقت أن تستقل عنهم وتبتعد وحدها شاردة.. إلا أنها بمجرد أن يمسها الهواء.. تحتاجهم كأن ليس في الكون غيرهم.. لا انصح بهذه المنطقة من عيال منتشره في الشارع لمراهقين يمارسون كل الجوانب المظلمة للمراهقة.. لكن لا تقلق فغدًا سيعقلون..
يكبر المراهقون ويعجز الأزواج الجدد اللي كانوا أيام المغناطيس لتظل الدائرة تدور ..
وباختصار: لو أنت شخص أو أسرة عايشة بدماغها لوحدها.. اسكن في مكان مختلف للمرحلة يعني لو عندك مراهقين اسكن في منطقة الصداع.. هيبقى كفاية عليك دوشة الجيران.. هتديك أقل نسبة من مسببات الاحتكاك بالجيران.. لو بتحب بقى العشرة وكده اسكن في منطقة الأسر اللي فيها شبهك.. عندهم مسببات كتيييير للاحتكاك والتعارف.. وربنا يوفقك ومتلبس.