هدى السنباطي: الأجانب يقدرون الفن الشعبي كثيرا

قالت الفنانة هدى السنباطي، إنها سافرت جميع دول العالم، لتقديم الفن الشعبي “الفولكلور”، موضحة أن الأجانب يقدرونه ويحبون الفن الشعبي كثيرا، لافتة إلى أن الإمارات وتونس يحتفلون في شهر رمضان بالفولكلور.

أضافت “السنباطي” خلال لقائها في برنامج “التاسعة” المذاع عبر شاشة “الأولى المصرية”، وتقدمه الإعلامية شافكي المنيري، أنها أول من اكتشفت الفنان سعد الصغير والفنانة أمينة، لافتة: “كنت أنا وأحمد عدوية وفنان ناقد عاملين لجنة تحكيم، وسعد مكنش لسه بدء في الشغل، أمينة كمان كانت لسه بتبدأ، جت قالت لي عايزين نعمل شغل، وإيه رأيك في صوتي، وعملت شغل وربنا كرمهاوعملت شغل كتير”.

نرشح لك: كريم العدل يكشف عن فيلم كوميدي جديد لـ أكرم حسني

أشارت: “الناقد ده كان بيقول سعد مش مطرب شعبي، قالي ده راقص، قلت له لا ده فنان شعبي، زمان لما الست أم كلثوم لو جملة خدتها عظمتها هتلاقي نفسها بتهتز، فوهي كانت بتغني في الزمن البطيء وكانت بتهتز النهاردة الزمن السريع، هيغني وهيرقص ما يرقص، يعني عشان بيرقص يبقى مش مطرب”.

أما عن الفرق بينها وبين المطربة خضرة محمد خضر، والمطربة فاطمة سرحان، قالت “السنباطي”: “أنا كنت أصغر مطربة شعبية، اتعلمت في نفس المدرسة بس كل واحد ليه طريقة في الغنا، يعني فاطمة سرحان أستاذة كبيرة وليها طريقة في غناها، والحاجة خضرة كان لها إحاسيس وطريقة شغلها شعبي فولكلور، أنا اتعلمت من اللي فات الخبرة لكن أنا طورت نفسي”.