بعد فراق 10 سنوات.. ويزو تروي قصة زواجها من شريف حسني

قالت الفنانة ويزو، إنها تشارك في الجزء الثاني من مسلسل “رمضان كريم”، هي وزوجها شريف حسني، موضحة أن هذه ليست المرة الأولى التي تعمل بها مع زوجها.

أضافت “ويزو” خلال لقائها في برنامج “وشوشة”، المذاع عبر شاشة “النهار”، أن زوجها كان ممثلا من أن كان في الجامعة، لافتة إلى أنهم كانوا أصدقاء ولم يتوقعا أن يتزوجا، مشيرة إلى أن افترقا بعد الجامعة لمدة 10 سنوات، ومن ثم عادا مرة أخرى.

نرشح لك: سميرة سعيد توضح كيف اكتشفت موهبة هنا إبراهيم يسري

أشارت: “كان جان أوي في الجامعة ومهتم بنفسه، هو أتغير وبقى ملتزم، صاحبي ودماغي حلوة وفاهم طبيعة شغلي، وفي نفس الوقت إحنا الاتنين نفس البيئة والتربية والجامعة، كنت باصة لحتة أنه يتقي ربنا فيا.. بعد ما اتجوزت الدكتورة قالت لي مفيش حمل غير بعد سنتين تلاتة، مفيش شهرين وعرفت إني حامل”.

أوضحت: “أول ما عرفنا هو مكنش مصدق ولا أنا مصدقة وكانت فرحة عارمة، وأمي مصدقتش إلا لما راحت للدكتور، وشافت السونار، وخدنا بريك بعد ما خلفت إسماعيل تلت سنين”.

أردفت: “أنا حصل قدامي موقف ما، كنت كل يوم مع صحابي بنسهر فالموقف ده خسيت أن ربنا بيقول لي فوقي الحياة دي مش باقية لك، حد من صحابي وقع ودخل المستشفى، وكنا كل يوم مع بعض، فجأة في المستشفى مفيش حد حواليه، غير مراته وعياله، فتأثرت بالموقف، وفي نفس التوقيت ده شريف ظهر تاني في حياتي، وحسيت أن ربنا بيقولي لازم تعملي بيت وأسرة”.