مناشدة بتسهيل سفر شاعر للحصول على جائزة "كتارا".. اعرف التفاصيل

شاعر

ناشد هيثم السيد، مؤسس مبادرة “عربية الحواديت”، المسؤولين لحل مشكلة شاعر مصري وطالب في كلية الصيدلة، بمنعه من السفر، بسبب أنه في سن التجنيد، مما يعيق استلامه لإحدى أهم الجوائز الشعرية في الوطن العربي وهي جائزة كتارا لشاعر الرسول.

قال “السيد” في منشور عبر حسابه على “فيس بوك”: “أحمد حسن… طالب مصري في آخر ترم في كلية صيدلة في جامعة قناة السويس الإسماعيلية. أحمد شاعر كبير وعظيم بلا ادعاءات ولكن بالدلائل القاطعة لأنه فاز بجايزة إبداع على مستوى جامعات مصر في شعر الفصحى لعدد 3 دورات متتالية وده محصلش أبدا في تاريخ المسابقة”.

نرشح لك: أندرو محسن عضو لجنة تحكيم مهرجان كوبنهاجن للأفلام الوثائقية

أضاف: “المهم أحمد ترشح لجائزة كتارا لشاعر الرسول وهي أكبر مسابقة شعر على مستوى الوطن العربي ومن ضمن الآلاف اللي تقدموا بقصائدهم لم يتأهل للمرحلة النهائية غير 15 شاعر فقط ومنهم ناس حصلوا على جايزة أمير الشعراء، إدارة المسابقة بعتت تذكرة وتأشيرة لأحمد لحضور التصفيات النهائية في قطر لكن للأسف المفروض ان فيه إجراءات لازم تخلص عشان أحمد طالب في عمر التجنيد”.

أردف: “أحمد بقاله 10 أيام عمل فيهم كل اللي ممكن يتعمل و راح لكل حد ممكن يتراح له عشان يشوف له حل ينجز لكن للأسف ما قدرش يعمل حاجة وفات وقت السفر اللي المفروض كان امبارح. إدارة المسابقة كانت رحيمة وغيرت جدول التنافس مخصوص عشان أحمد و حطوه متأخر في جدول التنافس يوم الاتنين الجاي بدل من السبت اللي هو النهاردة وعملوا له تذكرة سفر جديدة على أمل انه يقدر يلقى حل”.

تابع: “أرجوكم أرجوكم أرجوكم أي حد يشوف البوست ويقدر يعمل حاجة ناجزة تنجز القصة المتعلقة بمستقبل ولد ومستقبل بلد لأنه طالع يمثل البلد مابيمثلش نفسه،

هيئة التنظيم والإدارة التابعة للقوات المسلحة قالتله النهاردة هتسافر لو معاك جواب موافقة من وزير الشباب والرياضة أو وزير الثقافة أو وزير التعليم العالي،… أرجوكم حركوا البوست لأي جهة تشوف لنا حل لأننا عجزنا عن إيجاد حل سريع ومستقبل ولد مصري شاعر بيضيع ببساطة.. فقط محتاجين حل”.