نجلاء بدر تكشف تفاصيل شخصيتها في "سره الباتع" و"رمضان كريم 2"
قالت الفنانة نجلاء بدر، إنها توقعت رد فعل الجمهور على برومو مسلسل “سره الباتع”، والمقرر عرضه في رمضان المقبل 2023، لأن المسلسل يشارك به أكثر من 60 نجما، وهذا العدد الكبير من النجوم نادرا ما يجتمع في عمل واحد.
أضافت “بدر” خلال حوارها مع “et بالعربي“: كنا متوقعين رد الفعل على المسلسل خصوصا أن العدد الكبير والكم الهائل من الفنانين دي كلها، 60 فنان نادرا لما تحصل وفنانين ليهم تاريخ، وأستاذ خالد يوسف أول مرة يخرج دراما وهو من المخرجين المتميزين في السينما، التركيبة كلها متوقعين كلنا أن هيحصل عليها حوار”.
نرشح لك: نجلاء بدر عن المواجهة الزوجية: لازم يكون معايا مستندات
أما عن اعتذارها عن مسلسل” تلت التلاتة”، قالت: (تلت التلاتة) تصويره كان قبل رمضان على طول وده كان متأخر أوي، 30 حلقة قبل رمضان بتلت أسابيع ده ظلم لينا كلنا، وأن صعب جدا أحط مواعيد على مواعيد الأستاذ خالد يوسف، وبرضو في مسلسل (رمضان كريم)، ومهرجان أسوان، وبقول لغادة عبد الرازق مبروك عودتك وإحنا في انتظارك”.
كما تحدثت “بدر” عن تفاصيل الجزء الثاني من مسلسل “رمضان كريم”، موضحة: “الجزء الثاني نفس الدراما بس بعد مرور خمس سنين، بعض الشخصيات مش موجودة زي ريهام عبد الغفور وروبي، وبعض الفنانين توفاهم الله، ومفيش حد يحل دورهم، بس أنا كنت حابة أشارك لأني بحب جو رمضان والزينة والفطار والسحور”.
في سياق آخر تحدثت “بدر” عن تفاصيل مشاركتها في فيلم “ساعة إجابة”، لافتة: “فيلم لايت كوميدي وأنا أول مرة أشارك في فيلم لايت كوميدي، والبطل بتاعه طفل، وأنا مبسوطة جدا بيه، وعاملة لون مختلف عليا تماما، وأنا عادة مبعرفش أعمل كوميدي، أنا بحب أهرج في الحياة بس أول مرة أعملها في التمثيل”.
