منة عرفة: كان نفسي أعيش في فترة سعاد حسني عشان أشوفها

علقت الفنانة منة عرفة، على جلسة التصوير التي قدمتها مؤخرا وظهرت فيها بأزياء من فترة الستينات، موضحة أنا تحب هذا العصر جدا وكانت تتمنى أن تعيش به.

قالت “عرفة” خلال لقائها مع “ET بالعربي“: “أنا أكيد كان نفسي أبقى عايشة أيام الأبيض وأسود عشان أقابل الممثلين اللي أنا بحبهم، وكان نفسي أعيش في فترة سعاد حسني عشان أشوفها وأقابلها”.

أضافت: “من أكتر الفترات اللي بحبها في الفاشون السيتينات والسبعينات بحس أنهم كانوا شيك أوي، هما كانوا ستات شيك أوي وهوانم.. أول مرة وقت طويل أوي في التحضير لسيشن لأنها كانت بتبقى تسلية.. ومعايا فريق رائع وكلهم بنات بما أن الشهر ده شهر المرأة”.

أشارت: “المرأة مش نص المجتمع هي المجتمع كله، وهي أساس كل حاجة حلوة بتحصل في الدنيا والستات دايما ملهمين، ومامتي ست مؤمنة أوي وإيمانها داينا بيزهلني رغم أي حاجة بتقابلها في حياتها، وهي اللي ليها الفضل في المكان اللي أنا فيه بعد ربنا”.