يسرا: مبعرفش أشتغل مع حد مبحبوش
كشفت الفنانة يسرا كواليس، مسلسل “1000 حمد الله على السلامة”، المقرر عرضه في السباق الرمضاني المقبل 2023، موضحة أن أسرة المسلسل التي تظهر أمام الكاميرا هي نفس الأسرة التي تكون في الكواليس.
أضافت “يسرا” خلال لقائها في برنامج “Its Showtime“، المذاع عبر شاشة “CBC”: “الكواليس كلها ضحك، ده إحنا في البريك كلنا بناكل سوا، وصوتنا جايب طنطا من كتر ما بنضحك، وكل اللي معايا أساتذة كبار وفنانين مهمين جدا”.
نرشح لك: يسرا تكشف سبب تغيير اسم مسلسلها لـ “1000 حمدالله ع السلامة”
أشارت: “معايا عنبة وعامل شغل كويس أوي، أنا سألته أنت أشتغلت قبل كده قال لا دي أول مرة، وبيطلع منه إيفيهات لذيذة أوي، وطلع شخصية جميلة أوي، كلنا حابين بعض وتحسي أن الأسرة اللي قدام الكاميرا هي الأسرة اللي ورا الكاميرا”.
أوضحت: “مبعرفش أشتغل مع حد مبحبوش أو مش مرتاحة له، أو مش حاسة إني مستأمنة نفسي معاه، أنا مستأمنة نفسي مع الناس دي”.
أردفت: “المخرج عمرو صلاح أنا أشتغلت معاه حلقة وبحبه جدا من الحلقة دي وكان دي أول مرة أتعرف عليه، ودلوقتي في حالة راحة وثقة بيني وبينه، وهو دمه خفيف، يعني مرات بيديكي إيفيهات تعمليها”.