ياسمين صبري: بحس أني مولودة للكاميرا
تحدثت الفنانة ياسمين صبري عن المرأة وأهمية الشكل، وحبها للتمثيل والوقوف أمام الكاميرا.
قالت “صبري” خلال إعلان لـ LUX: “أنا بحس إن أنا مولودة للكاميرا، برتاح مع الكاميرا وبتديني طاقة مهما عدى عدد ساعات طويلة”.
نرشح لك: وفاء عامر: غيرانة من زمايلي عشان اشتغلوا إبداعات إبراهيم عيسى
تابعت: “مفيش حد بدأ حياته أو في شغله ومابيواجهش انتقادات.. المرأة مش بس بشكلها، ده السطح، اللي جوة هو المرأة نفسها.. أنا بحس إن المرأة مستنية واحدة تلعب دور ست قوية علشان تستقوى بيها”.
استكملت: “أعتقد المرأة بتلهم امرأة تانية إنها متكونش بس جسد ووجه تكون أكتر من كده بكتير، تكون روح جميلة، قلب ملهم، عقل ملهم، أنا بؤمن إن كل شيء ممكن والحياة عبارة عن اختيارات، وأنا اخترت إن أنا أؤمن إن مفيش سقف، أنا لسه مبدأتش مبدئيا يعني، لسه معملتش حاجة”.
View this post on Instagram
من جانبها، كانت الفنانة ياسمين صبري قد كشفت عن تفاصيل مشاركتها في 3 أفلام سينمائية وهم، “أبو نسب” و”البعبع” وفيلم آخر أكشن سيتم عرضه في الصيف المقبل.
قالت “صبري” خلال حوارها مع “The insider بالعربي“، إنها تقدم فيلم “أبو نسب” بالمشاركة مع الفنان محمد إمام، مضيفة: “الفيلمين اللي عملناهم قبل كده كانوا لطاف جدا والجمهور حبهم، فالكيمياء اللي الناس بتحسها كجمهور.. هي دي أهم حاجة”.
تابعت: “أنا سعيدة جدًا بالتعاون الثالث والمخرج هو أستاذ رامي إمام، ومعانا النجم أستاذ ماجد الكدواني وأنا مبسوطة جدًا أني همثل معاه.. فإن شاء الله نعمل حاجة أحلى من الأفلام اللي فاتت”.
وعن تعاونها مع الفنان أمير كرارة في فيلم “البعبع”، قالت: “هو فيلم أكشن كوميدي.. دوري كوميدي وإن شاء الله يبقى لذيذ، الواحد بيحاول يعمل كل اللي عليه وأكثر كمان.. بحيث الجمهور يروح يتفرج على حاجة ساعتين يروق فيهم وينسى أي حاجة مضايقاه”.
وعن الفيلم الأكشن الذي ستشارك به، أردفت: “هو فيلم أكشن وهيبقى فيه مجهود كبير جدًا، لأن أنا بتدرب عليه من دلوقتي.. مقدرش أصرح بأكثر من كده، بس إن شاء الله ينزل في الصيف”.