أحمد العوضي: أنا وياسمين عبد العزيز بنحب نشتغل مع بعض
تحدثت الفنان أحمد العوضي عن تفاصيل تعاونه، مع زوجته الفنانة ياسمين عبد العزيز في مسلسل “ضرب نار”، المقرر عرضه في السباق الرمضاني المقبل 2023، موضحا أنه يحب العمل معها.
أضاف العوضي”، خلال لقائه في مع ET بالعربي: “أنا وياسمين بنحب نشتغل مع بعض، أنا بحب أشتغل مع ياسمين، الكيميا بينا حلوة والشغل مريح.. لما عملنا مسلسل (اللي مالوش كبير) مع بعض ربنا رزق بالنجاح والبرنامج مع منى الشاذلي نجح إذا الناس حابة الموضوع”.
نرشح لك: قنوات عرض مسلسل ضرب نار لـ ياسمين عبد العزيز وأحمد العوضي
أشار: “لازم الأول الناس تبقى حابة الاتنين مع بعض عشان يقبلوك بيه، وإحنا لما بنعمل مسلسل بنعمل مسلسل يحترم المشاهد، مبنعملش حاجة لا تليق بالجمهور، تبقى ثقة ما بينا وبين الجمهور”.
أما عن عمله مع الفنانة ياسمين عبد العزيز كزوجين: “أنا ببقى حامل هم ياسمين زي ما هي تبقى حاملة همي، ممكن نشتغل أنا وحد تاني مش هيبقى بنفس الحميمية حتى لو هما اخواتي أو زمايلي مش هيبقى بنفس الحميمية كاتنين متجوزي”.
وعن علاقة الحب بين جابر ومهرة في مسلسل “ضرب نار”، أوضح: “العلاقة بين مهرة وجابر علاقة حقيقة بتحصل فيها التقلبات بتاعت الناس الحقيقية، بيبقى عليك ضغط رهيب أن أنت لازم تنجح أكتر من (اللي مالوش كبير)”.
مسلسل ضرب نار، من بطولة ياسمين عبدالعزيز، أحمد العوضي، وماجد المصري وسهير المرشدي، هدى الأتربي، إيمان السيد، بدرية طلبة، تامر نبيل، أحمد عبدالله محمود، ومن تأليف ناصر عبد الرحمن، وإخراج مصطفى فكري، ومن إنتاج سينرچي.