ضيف كلام تاني: السجن مليان شباب تحت العشرين - E3lam.Com
استضافت الإعلامية رشا نبيل مقدمة برنامج “كلام تاني” على شاشة دريم، الخميس، إثنان من الشباب المفرج عنهم في قرار العفو الرئاسي الأخير، هما محمود يحيي ومحمد سامي اللذان تم القبض عليهما أثناء أحداث مجلس الشورى بتهمة خرق قانون التظاهر.
وقال “محمد سامي” خلال الحوار أن الرئيس السيسي “بيلعب سياسة”، وأن قرار العفو جاء لتهدئة الشارع المصري قبل الانتخابات، مُضيفاً: “احنا مش جايين عشان نفسنا، احنا جايين عشان رسالة معينة، في ناس في السجن كتير أوي في سن الـ 17، ومحبوسين على ذمة قضايا غريبة، اللي محبوس عشان بوست على الفيس بوك، أو عشان لابس سكارف معين”.
كما ذكرا “سامي ويحيى” عدد من الأسماء المحبوسة احتياطياً أبرزهم ماهينور المصري وأحمد دومة ومحمود شوكان وعلاء عبد الفتاح وأحمد عبد الرحمن وسيد مشاغب وعدد كبير من الألتراس، مناشدين بأهمية خروج هؤلاء من السجن، مؤكدين أنهم تعرضوا للظلم.
وأضاف محمد سامي: “احنا كنا نازلين عشان في مادة للدستور كنا رافضينها فعملنا وقفة عشان كدة، لكن القضية اتسوقت غلط والناس افتكرت اننا نازلين ضد قانون التظاهر، مع اننا رافضينه فعلاً بس سبب المظاهرة كان عشان مادة في الدستور”.