"ليه باصين لي في الفرحة".. حسن شاكوش يرد على جدل تكلفة حفل زفافه
شاكوش يرد
رد المطرب حسن شاكوش على الجدل الذي أثير مؤخرا، بعد إعلانه عن تكلفه حفل زفافه والتي وصلت إلى 4 ملايين جنيه. شاكوش يرد
قال “شاكوش” في بث مباشر عبر حسابه الرسمي على موقع الصور والفيديوهات “إنستجرام”: “فرحي أتكلف كله 4 مليون جنيه، كعفش وبيت ومصاريف خارجية، والأوتيل، غير توضيب البيت قطم وسطي.. والنجوم كلهم جم بالحب عشان ربنا عارف بحالي”.
نرشح لك: حسن شاكوش عن سجدة زوجته: “مفيش كرامة بين الرجل ومراته”
أضاف: “ليه يا جماعة باصين لي في الفرحة، دا أنت لو قولت ربنا يكرمه هتكسب ثواب.. محدش عارف بحالي، أنا وأنا لاعيب كورة كنت بنام تحت المدرجات، وأنا من قلة الفلوس مكنتش بعرف اشتري مياه مكنتش لاقي آكل هشتري مياه معدنية ازاي! وقسما بالله كنت بشرب مياه بتجيب فشل كلوي”.
أردف: “أنا كان بيتعملي أعمال بوقف الحال، وبالشلل وأفضل طول عمري مشلول، وأعمال أموت بإني أموت نفسي وأنتحر، لكن الحمد لله عشان أنا قريب من ربنا، ومش لازم عشان أنا قريب من ربنا أكون بصلي، أنا بقالي فترة كبيرة مبصليش، لكن الحمد لله الفترة دي”.
كان مغني المهرجانات حسن شاكوش،قال خلال برنامج “العرافة” إنّه اتصل بالفنان تامر حسني ودعاه إلى زفافه كي يغني بمقابل مادي، وكان رده “حبيب قلبي ألف مبروك، الدنيا غليت، وفر فلوسك”، وبالفعل حضر إلى حفل زفافه وغنى دون أي مقابل، وهو ما ينطبق على الفنان رامي صبري.
أضاف: “مصطفى قمر ومحمد نور وأحمد بتشان ومحمود الليثي وحمو بيكا وعمر كمال ورضا البحراوي كلهم غنوا في فرحي دون أي مقابل مادي”.
أشار إلى أنه سيتعاون مع رضا البحراوي في شهر رمضان، لافتًا إلى أن تكلفة حفل زفافه تفوق مليوني جنيه: “تكلفة زفافي تقدر بنحو 4.2 مليون جنيه”.