شذى لحسن شاكوش: صوتك مزعج

علقت المطربة شذى على تصريحات مطرب المهرجانات حسن شاكوش التي قالها في أحد البرامج الإعلامية عنها، مؤكدة على أن صوته مزعج وما يغنيه من لون شعبي رديء.

كتبت “شذى” عبر حسابها الشخصي على موقع التواصل الاجتماعي “فيسبوك”: “طب أنت مستفز يا شكشك بدل كلمة مستفز بتعصبك ودكتورة بسمة وهبة عشان هي ست شيك
قالت لك شذى فنانة زميلة عشان تجبر بخاطرك”.

نرشح لك: حسن شاكوش: تكلفة زفافي 4.2 مليون جنيه

أكملت: “بس الحقيقة أنت لا فنان ولا زميل بالنسبة لي خالص
أنت مؤدي وبالنسبة لي صوتك مزعج، إنما فنان زميل دي أنا أعترض عليها بشدة ودي الحقيقة بس عشان دكتورة بسمة مؤدبة وأنت ضيفها مقلتلكش الحقيقة”.

أردفت: “وأصلا مينفعش تسأل مين دي مش عشان لازم تكون عارفني بيني وبينك أريح لو متعرفنيش وتعمل الشويتين بتوع اه عارف اسمها ومش عارف أغانيها ومال شكلها اتغير كده ليه وجو ٣ ورقات ده، لأن الرد موجود ما أنا لو محدش فاكرني ولا عارفني مش هيجيبوا كلامي ويعرضهولك يا جاهل، وأصلا أسماء الأغاني اللي أنت قلتها دي تتكتب على تكاتك متعملش فيها بيتهوفن والنبي ومش معنى إن فيه هيصة الفترة دي على اللون ده إن إنت واللي زيك صناع المزيكا في مصر أبدا والله انتوا فاضحينا في العالم كله بردائه المزيكا اللي بتقدموها”.

في نفس السياق هاجم مطرب المهرجانات حسن شاكوش، الفنانة شذى بعدما وجهت له انتقادات وقالت إنه لا يجيد الحديث، وقال شاكوش: “هي بتغني؟.. هي دي مغنية؟.. بتغني إيه؟؟؟ معرفهاش والله العظيم، أنتِ حافظة لها أغاني؟”.

وأضاف”شاكوش”، خلال حواره مع الإعلامية بسمة وهبة، مقدمة برنامج «العرافة»، على قناة “النهار”: “ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE”.