تاجر مسيحي يتبرع بشنط رمضان للمحتاجين بقرية سمسطا
شاهد تاجر مسيحي يتبرع بشنط رمضان
انتشر مقطع فيديو عبر وسائل التواصل الاجتماعي مؤخرا، لشاب مسيحي يدعى عماد بباوي، مقيم بمركز سمسطا بمحافظة بني سويف، دعم مسابقة دينية بالمصاحف، وقدم شنط رمضان للمحتاجين في قريته.
قال “بباوي” خلال مقطع فيديو نشرته صفحة “سمسطا أون لاين“، عبر حسابها الرسمي على موقع التواصل الاجتماعي “فيس بوك”، إنه يعطي المصاحف إلى المسجد كل عام فهذا شيء يفعله لوجه الله، وهو لا يفرق بين المسيحي والمسلم، لأننا جميعا أخوات.
نرشح لك: للمرضى.. “الأزهر للفتوى” يوضح 10 أشياء لا تُفطر في رمضان
أشار: “أنا بحب أخواتي المسلمين أكتر من المسيحيين وكلنا واحد، وربنا هو اللي بيجازينا على كده، ومبيبيتش مديون، وربنا بيدنا الخير ولازم نعمله، إحنا سبب ندي للناس دي لوجه الله مش بنديهم حاجة من عندنا، ده حق علينا ندي للناس الغلابة”.
أوضح: “أنا مبفرقش بين مسيحي ومسلم، وأي بيجي لي هنا بديله، مينفعش يبقى معايا وأخويا عايز ومديلوش، أنت بتدي جنيه ربنا بيديك 200 و500، إحنا عايزين لما يموت يقولوا الله يرحمه ده كان جدع وصالح، لأن الدنيا فانية وملهاش لازمة حتى الأنبياء ماتت.. وأنا وطني وبحب كل الأديان، وبحب المسلم قبل المسيحي ومعنديش فرق بينهم”.