نهى العمروسي: مفيش حاجة اسمها عذاب القبر.. ومش مذكور في القرآن

تحدثت الفنانة نهى العمروسي عن عدم خوفها من الموت، مشيرة إلى أنها لا تؤمن بعذاب القبر بعد الموت.

تابعت “العمروسي” خلال لقائها مع الإعلامية أميرة بدر في برنامج “VIP” على قناة “هي”: “مبخافش من الموت، الخوف الوحيد لما تحسي بالخطر على نفسك، لما بنموت بنروح للنور عند ربنا لأبعاد تانية غير اللي عندنا، ربنا عمره ما يعمل حاجة فينا ولا خوف ولا حاجة توجع ولا تألم دي قناعاتي”.

نرشح لك: نهى العمروسي: عملت “مدتيشن” علشان بنتي تخرج من السجن

أضافت: “مافيش حاجة اسمها عذاب القبر مش موجودة في القرآن، حتى الأرواح الشريرة هتروح للنور.. عذاب القبر ده فيلم رعب”.

في سياق منفصل، قالت الفنانة نهى العمروسي، إنها عاشت فترة صعبة، أثناء أزمة سجن ابنتها على غرار قضية “الفيرمونت” الشهيرة.

واستكملت العمروسي خلال لقائها في برنامج “Vip”مع الإعلامية أميرة بدر: كان نفسي أكون أم أحسن من كدا أو أني أرفض أو احميها من شخص كان هيأذيها.

وكشفت الفنانة أنها توسلت إلى الله من خلال التأمل “مدتيشن”، قائلة: قعدت أتخيل أن بتخرج من السجن والتأمل ده حلو لأنك بتتخيل الحاجة اللي نفسك فيها، وكنت بدعي وبصلي برضو.