منة فضالي: رفضت تجميد بويضاتي

تحدثت الفنانة منة فضالي عن موقفها من الزواج، وهل لجأت لتجميد بويضاتها بسبب تأخرها في الزواج حتى الآن أم لا.

قالت “فضالي” خلال لقائها مع برنامج “VIP” الذي تقدمه الإعلامية أميرة بدر على شاشة “هي”: فكرت في فترة ما ولكن كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ، وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مش بيستمروا، ولازم يعرفوا ايه اللي أنا بحبه قبل اللي بكرهه وهكذا.

نرشح لك: منة فضالي تبكي بسبب والدها: عمري ما حسيت إنه بيحبني!

واستكملت حديثها: طبعا اتعرضت للخيانة ودي قصة معروفة قفشته وحسيت أن في حاجة مش تمام ولقيت فضائح، أنا بحترم الراجل جدًا ومش ضده بل بالعكس، ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره انه يبص برا أو عينه فارغة.

أضافت: أنا مصرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير، ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما.

الجدير بالذكر أن برنامج «vip» يعرض على شاشة «هي» يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.