غادة عبد الرازق: لو عندي تصوير في رمضان مش بصوم
قالت الفنانة غادة عبد الرازق إن المشاركة في الدراما الرمضانية ليست عادة، بل ما يحكمها هو وجود العمل المناسب.
أضافت خلال حوارها مع الإعلامية شيرين سليمان، ببرنامج “سبوت لايت” المذاع على قناة صدى البلد، أنها تبحث أولا عن العمل الجيد، وليس التواجد الرمضاني في حد ذاته، قائلة: “لو ربنا كرمني بحاجة كويسة بنزل شغل في رمضان، ومفيش حاجة اسمها عمود من أعمدة رمضان، ومينفعش أنزل كعبء على الناس، ليه أعمل في نفسي كدا؟”.
نرشح لك: تزوجت “بلال” انتقاما من والده.. ماضي “نادرة” ينكشف في الحلقة التاسعة من “عملة نادرة”
وعن انشغالها حاليا بتصوير مسلسل “تلت التلاتة”، قالت: “لما بيكون عندي تصوير في رمضان مبصومش، لأني مبقدرش، وكمان بسبب الأدوية ومناعتي ضعيفة، والشغل ممكن يستمر يوم متواصل، لذلك لما مبيكونش عندي تصوير بصوم عادي زي كل الناس”.
تابعت: “بحاول لما برجع بيتي 4 ونصف الصبح اتفرح على التلفزيون، وزمان كنت بحب أتفرج على فوزاير نيللي وشريهان، ودول من أسباب حبي للشهرة في التمثيل، مش أمثل بس، وبحب أقلد نيللي وشريهان”.
وأشارت غادة إلى أنها تشارك بفيلم كوميدي في موسم عيد الفطر، باسم “البقاء للأصيع”، بمشاركة بيومي فؤاد وأحمد آدم.
يذكر أن مسلسل “تلت التلاتة” من المقرر عرضه على شبكة قنوات صدى البلد فى النصف الثانى من رمضان 2023، ويعرض على صدى البلد وصدى البلد 2 وصدى دراما.