أبرزها عن زواجه من هياتم.. 6 تصريحات لـ أحمد بدير

تصريحات أحمد بدير
حل الفنان أحمد بدير ضيفا على برنامج “حبر سري“، المذاع عبر شاشة “القاهرة والناس” وتقدمه الإعلامية أسما إبراهيم.

وتحدث بدير خلال الحلقة عن حقيقية زواجه من الفنانة الراحلة هياتم، والأعمال التي راض عنها في مسيرته الفنية، وفيما يلي أبرز تصريحاته:

نرشح لك: أحمد بدير: لو قابلت أبو تريكة مش هسلم عليه

1- “أنا مش قد هياتم.. الله يرحمها كانت زميلة محترمة وعملنا مع بعض مسرح.. ومفيش فنان خالي من الإشاعات”.

2- 45 عمل أنا راضي عنهم الباقيين في ما بين الجيد والضعيف، يعني حوالي 10% من أعمالي، وكل عمل من اللي أنا راضي عنهم يساوي 50 عمل”.

3- “الست تشاركني في حياتي ماتمشيش حياتي.. أنا هقعد أغسل مواعين بقى وأكنس وامسح، مينفعش تفرض سيطرتها عليا، يبقى في تفاهم وتبادل”.

4- “حاسس إن ربنا اداني أكتر مما كنت أحلم به، كان حلمي وطموحي إن يبقى في أفيش مسرحية وأنا آخر اسم بس اسمي موجود، دايما أبص للي تحتي وأقول ده أحسن مني في التمثيل بس شوف ربنا اداني أكتر منه وبحمد ربنا.. ارض بما قسمه الله لك تكن أغنى الناس، إنما مهما كان الإنسان معاه إن شالله مليارات وهو معندوش الرضا هيحس إنه فقير، أنا ناجح في الحتة بتاعتي”.

5- “لو أنا داخل على مجموعة ولقيت أبو تريكة هقول السلام عليكم بس مش هسلم عليه مخصوص يعني مفتكرش.. أنا أهلاوي ومهاجمتش أبو تريكة قبل كده وأنا كنت بحبه جدا كلاعب وحضرت ماتشات منتخب مصر وكنت فرحان بانتصارات المنتخب، لكن بعد الأحداث الأخيرة واللي حصل واتقال.. أي حد ميحبش تراب مصر حتى لو أخويا محبوش”.

6- “شوفت شائعة وفاة أحمد بدير وأنا في المكتب.. الناس عماله تقولي أرجوك رد عليا .. سألت نفسي أنا صاحي ولا أيه؟ زوجتي رأت خبر وشائعات وفاتي، وهذه الشائعة أذتها بطريقة بشعة”، موضحا أن من يتداول الأخبار يستهينون بالموت، ويخفي على أسرته أي مرض له، حيث إنه أجرى عمليات كثيرة بدون أن تعرف أسرته، ويعاتبونه فيما بعد.