استمع.. تتر مسلسل "تغيير جو" لـ أمير عيد
تتر مسلسل تغيير جو
بدأ عرض أولى حلقات مسلسل “تغيير جو”، على قناة “mbc مصر”، بطولة منه شلبي، ميرفت أمين، إياد نصار، ماجدة ذكي، أحمد مالك، شيرين، وآخرين، ومن تأليف منى الشيمي وإخراج مريم أبوعوف.
أغنية التتر غناء وكلمات وألحان أمير عيد وتوزيع شريف مصطفى.
نرشح لك: كلمات تتر مسلسل “تغيير جو” لـ أمير عيد
وجاءت كلمات التتر كالتالي:
أنا بجري مني وبجري ورايا
أنا بجري من حاجات قديمة جوايا
بجري ومش شايف بكره وعيني في قفايا
اللي فات عمره ما مات إحنا بس اللي بنموت
أنا بجري والسنين بتجري معايا
أنا بجري والحنين عايش جوايا
أنا بيني وبيني مسافات اتنين عن بعض أغراب
أنا برسم متاهات تبعدني عن أي نهاية
والقلب خواف مع كل خطوة دايما في حيرة
والعقل شواف يفيد بإيه البصر من دون أي بصيرة
بجري من حكاية وقصة كدابة
بقرأ بين السطور يمكن ألاقي إجابة
أنا مش بصدق في الكلام بصدق في النية
أنا بجري ورا طموحي بجري ورا أحلامي
أنا بجري مش بتقدم أتاريني واقف في مكاني
بجري ورا إحساس مش شايفاه العين
ماصدقش في الحساب 1 + 1 مش شرط يبقوا 2
والقلب خواف مع كل خطوة دايما في حيرة
والعقل شواف يفيد بإيه البصر من دون أي بصيرة
لو المكان مش مكاني الدنيا واسعة ولسه فيها
فيها حب فيها أماني
اللي بيدور على نفسه بيلاقيها
لو بقيت من جوه حلو الدنيا هتحلو
ساعات كل اللي بنحتاجه تغيير جو
ونبطل نخاف نمشي كل خطوة بدون حيرة
والقلب شواف قادر يشوف الدنيا حلوة وجميلة