خالد يوسف ينفي اعتزاله الدراما ويُفند انتقادات "سره الباتع"
رد المخرج خالد يوسف، على منتقدي مسلسل “سره الباتع” موضحا أن الحملة التي تمت ضد المسلسل في بداياته ظالمة لأن المنتقدين تحدثوا عن أشياء غير موجودة بالعمل.
قال “يوسف” خلال لقائه ببرنامج “ET بالعربي“: “الحملة ظالمة بامتياز بالنسبة لي، لأنهم اتكلموا على حاجات مش موجودة في المسلسل، لما يبقى فيه 2000 كومبارس قدامك وتعمل زوم إن على آخر صف عشان تطلع 4 شكلهم مصري فتقول إن كل الكومبارس شكلهم مصري باين جدا إنه كان مستهدف”.
نرشح لك: حنان مطاوع ترد على انتقادات “سره الباتع”
أكد على أن العمل لا يحتوى على أخطاء ولكن به لقطة 2 ثانية لكوتشي وتم تدارك الخطأ وحذفها بعد نصف ساعة من العرض الأول.
أردف: “المصريين اللي استحدثوا أيام أحمس العربية الحربية اللي بتجرها حصان مهيعملوش بعد آلاف السنين عربية بتجرها حصان! وبيقولوا العجلة فيها كاوتش وهي فيها خشب مئة بالمئة”.
أما عن انتقادات دور نابليون بونابرت فقال: “بيقولوا نابليون مكنش طويل كده وإزاي يعمل نابليون إنت مالك إنت روحت شفت الأفلام العالمية اللي معمولة عنه؟ أيمن الشيوي من كل اللي أدوا أدوار نابليون عالميا هو الأكثر شبها”.
أشار إلى أن كل الانتقادات موجهة لشخصه هو وليس للعمل، وعن قرار اعتزاله للدراما التليفزيونية فقال: “أنا مش هعتزل أنا كل قصتي إني مش هعمل كده تاني، وأخد 6 شهور أعمل فيهم عمل كبير زي ده تاريخي وعصري فيه كل المعارك دي ده كان انتحار بالنسبة لي”.
مسلسل “سره الباتع” دراما عصریة تاریخیة أحداثها تدور بين زمنين.. العصر الحاضر وعصر الحملة الفرنسية على مصر فى العام 1798، ويشارك فى بطولة العمل أكثر من 60 ممثلاً وممثلة من مختلف الأجيال.
دراسة عصرية تاريخية تدور أحداثها بين زمنين، بطل الزمن الحاضر يبحث عن سر ولغز بطل الزمن التاريخي في زمن الحملة الفرنسية، لنكتشف أن قصة الزمنين فيهما مقاربة وتكامل بل وتطابق في بعض الأحيان.
يشارك في بطولة المسلسل كلا من أحمد السعدني، خالد الصاوي، حسين فهمي، هالة صدقي، أحمد عبد العزيز، أحمد فهمي، ريم مصطفى، هدى المفتي، حنان مطاوع، شريف حافظ، أشرف زكي، شريف الدسوقي، كريم فهمي، بيومي فؤاد، عمرو عبد الجليل، صلاح عبد الله، محمود قابيل، ميدو عادل، خالد أنور، خالد سرحان، منة فضالي، نجلاء بدر، أحمد وفيق، مأخوذ عن رواية للكاتب الراحل يوسف إدريس وهو من تأليف وإخراج خالد يوسف.