شاهد.. بكاء روجينا أثناء حديثها عن مرض أشرف زكي
بكت الفنانة روجينا، خلال حديثها عن فترة مرض زوجها الفنان أشرف زكي، موضحة أنه خضع لعملية جراحية ورفض وجود أحد بجانبه لذلك تحملت هي المسؤولية كاملة.
أضافت “روجينا” خلال برنامج “أنا والقناع” وتقدمه الإعلامية منى عبد الوهاب، المذاع عبر شاشة “الحياة”: “كنت بلبس قناع الراجل اللي متحمل المسؤولية لأن فجأة بتلاقي نفسك أن سندك في مشكلة كبيرة، وفي دقايق لازم ندخل نعمل عملية ولازم أكون الراجل والست في الوقت ده”.
نرشح لك: خالد الصاوي: في أزماتي ماشحتش أو استلفت من حد
أشارت: “كنت لابسه قناع أشرف في الفترة دي، ولما أشرف كان داخل أوضة العمليات حسيت أنهم بياخدوا قلبي مني من غير ما يقولوا لي هناخده ومفيش حد غيري أنا وبنته ومش عارفة أعمل إيه؟ والموضوع كان كبير أوي علينا، وأنا طول عمري رافضة أن أشرف يتألم، الراجل اللي دايما يروح المستشفى للناس ويقف جنبهم ده ربنا يخليه كده عشانا”.
تابعت باكية: “دي فترة صعبة أوي كان لازم أكون فيها راجل، ومن بعدها بقيت متوترة وخايفة عليه وبقيت على طول تحت رجليه مهما يزعق ويتخانق يعمل اللي هو عايزه”.
أردف: “أنا مرضي الحب ولما بحب حد أوي ببقى مريضة بجد، وبناتي بينصحوني بلاش الحب القوي، لأني لما بحب بنلتي بيبقى عندي مرض تجاههم، فدايما أقول بلاش حب قوي المتوسط حلو”.